அருப்புக்கோட்டை, காவல் நிலைய காவல்துறையினர், சொக்கலிங்கபுரத்தில் ரோந்து பணியில் ஈடுபட்டு வந்தனர். அப்போது அந்தப் பகுதியில் இளைஞர் ஒருவர் நின்று கொண்டிருந்தார். அவரைப் பார்த்ததும் காவல்துறையினருக்கு சந்தேகம் ஏற்பட்டதால், அவரை பிடிப்பதற்கு சென்றனர். அப்போது தப்பி செல்ல முயன்ற அந்த இளைஞரை மடக்கி பிடித்து விசாரித்த போது, அவர் மதுரையை சேர்ந்தவர் என்றும் அவர் பெயர் தீபக் ராஜ் (25) என்பதும் தெரியவந்தது.
மேலும் தற்போது அவர் அருப்புக்கோட்டை நெசவாளர் காலணியில், வாடகை வீட்டில் வசித்து வருகிறார். மேலும் இவர் பள்ளி மாணவர்களை எப்பொழுதும் மயக்க நிலையில் வைத்திருக்கும், போதை மாத்திரைகளை விற்பனை செய்து வந்துள்ளார். மேலும் தீபக் ராஜ் அந்த மாத்திரைகளை ஆன்லைனில் வாங்கியுள்ளார். இதை தொடர்ந்து அவரிடம் இருந்து 104 போதை மாத்திரைகளை காவல்துறையினர் பறிமுதல் செய்தனர்.
இதை தொடர்ந்து தீபக் ராஜை காவல்துறையினர் கைது செய்தனர். பள்ளி மாணவர்களை எப்பொழுதும் மயக்கத்திலேயே வைத்திருக்கக்கூடிய மாத்திரைகளை விற்பனை செய்ததற்காக, இளைஞர் ஒருவர் கைது செய்யப்பட்ட சம்பவம், பெற்றோர்களிடையே அதிர்ச்சியை ஏற்படுத்தியுள்ளது.
