இந்திய ஆயுள் காப்பீட்டுக் கழகமான எல்.ஐச்.சி (LIC) நாடு முழுவதும் உள்ள பாலிசிதாரர்களுக்கு பல்வேறு பாதுகாப்பான திட்டங்களை வழங்குகிறது. குறிப்பாக ஓய்வூதியம் அல்லது குழந்தைகளின் திருமணத்திற்கு உதவும் வகையில் பல்வேறு முதலீட்டு திட்டங்கள் உள்ளன… அத்தகைய பிரபலமான எல்ஐசி திட்டங்களில் ஒன்று எல்ஐசி ஜீவன் லப் பாலிசி.
இந்த காப்பீட்டுத் திட்டம் பிப்ரவரி 1, 2020 அன்று எல்ஐசியால் தொடங்கப்பட்டது. இந்த திட்டத்தில் முதலீடு செய்த பாலிதாரரர் துரதிர்ஷ்டவசமாக இறந்தால், பாலிசிதாரர்களின் குடும்ப உறுப்பினர்கள் நிதி உதவியைப் பெறுவார்கள். அத்தகைய சூழ்நிலையில், காப்பீட்டுக் கொள்கையின் கீழ் நாமினிக்கு உறுதியளிக்கப்பட்ட தொகை வழங்கப்படுகிறது.
மேலும், எல்ஐசி ஜீவன் லப் பாலிசியில் பாலிசிதாரர் தனது முதலீட்டின் மீது கடன் பெறலாம் என்ற விதிமுறையும் உள்ளது. முதலீட்டாளர் 16 ஆண்டுகள் அல்லது 21 ஆண்டுகள் அல்லது 25 ஆண்டுகள் முதிர்வு காலத்திற்கு முதலீடு செய்யலாம், இதற்காக பாலிசிதாரர் முறையே 10 ஆண்டுகள், 15 ஆண்டுகள் மற்றும் 16 ஆண்டுகள் திட்டத்தில் தொடர்ந்து முதலீடு செய்ய வேண்டும்.
ஒரு பாலிசிதாரர் மாதாந்திர, காலாண்டு, அரையாண்டு மற்றும் வருடாந்திர அடிப்படையில் பிரீமியத்தைச் செலுத்தலாம். 8 வயது 59 வயது உள்ள யார் வேண்டுமானாலும் இத்திட்டத்தில் முதலீடு செய்யலாம்.. எல்ஐசி ஜீவன் லப் பாலிசியில் முதலீட்டாளர்கள் குறைந்தபட்சம் ரூ. 2 லட்சம் காப்பீட்டுத் தொகையை எடுக்கலாம். முதலீட்டில் உச்ச வரம்பு இல்லை. மேலும், முதலீட்டாளர்கள் வருமான வரிச் சட்டத்தின் 80வது பிரிவின் கீழ் வருமான வரி விலக்கு பெறலாம்.
தினமும் ரூ.238 முதலீடு செய்து ரூ.54 லட்சத்தை பெறுவது எப்படி? உங்களுக்கு 25 வயதாகிறது மற்றும் 25 வருட பிரீமியம் செலுத்தும் காலத்தைத் தேர்ந்தெடுக்க விரும்புகிறீர்கள் என்று வைத்துக்கொள்வோம். நீங்கள் ரூ. 20 லட்சத்தை அடிப்படை காப்பீட்டுத் தொகையாகத் தேர்வு செய்து ஆண்டு பிரீமியமாக ரூ. 86954 செலுத்த வேண்டும்.. அல்லது ஒவ்வொரு நாளும் கிட்டத்தட்ட ரூ.238 செலுத்த வேண்டும். எனவே, நீங்கள் 50 வயதை அடையும் போது அல்லது 25 ஆண்டுகளுக்குப் பிறகு திட்டம் முதிர்ச்சியடையும் போது, ரைடர் பலனைக் கழித்து, சாதாரண ஆயுள் காப்பீட்டு நன்மையின் கீழ் ஒட்டுமொத்த முதிர்வு மதிப்பு சுமார் ரூ.54.50 லட்சமாக இருக்கும்.
