இந்த ஆண்டு நம் தமிழ் சினிமாவின் ஆகச்சிறந்த பல கலைஞர்களை நாம் இழந்துள்ளோம். மனோபாலா, மயில்சாமி, மாரிமுத்து, ஆர்.எஸ். சிவாஜி, ஜூனியர் பாலையா என பல திறமையான பிரபலங்கள் நம்மைவிட்டு பிரிந்துள்ளனர்.
இவர்களின் மரணம் கொடுத்த துயரமே நீங்காத நிலையில், தற்போது மீண்டும் ஒரு நல்ல நடிகரை இழந்துள்ளோம். 40 ஆண்டுகாலமாக திரையுலகில் பயணித்து வரும் நடிகர் மதுரை மோகன் இன்று காலை மரணமடைந்துள்ளார். 40 ஆண்டுகளாக இவர் சினிமாவில் இருந்து ராம் குமார் இயக்கத்தில் வெளிவந்த முண்டாசுப்பட்டி தான் இவருக்கு நல்ல வரவேற்பை ஏற்படுத்தி கொடுத்தது.
மூன்றாவது தலைமுறை நடிகர்களுடனும் நடித்திருக்கிறார். இந்த மீசைதான் இவருடைய அடையாளமாக இருக்கிறது. இப்படி புகழ் பெற்ற இவர் இன்று காலை உடல்நலக்குறைவால் காலமானார். அவரது மறைவுக்கு ரசிகர்களும், திரையுலக நட்சத்திரங்களும் தங்களுடைய இரங்கலை தெரிவித்து வருகின்றனர்.
