Gold tunne: 80 பில்லியன் டாலர்கள் (£63 பில்லியன்) மதிப்புள்ள உலகின் மிகப்பெரிய தங்க சுரங்கம் சீனாவில் ஆராய்ச்சியாளர்கள் கண்டுபிடித்துள்ளனர்.
மத்திய சீனாவின் ஹுனான் புவியியல் பணியகம், ஹுனான் மாகாணத்தில் உள்ள பிங்ஜியாங் கவுண்டியில் நிலத்தடியில் சுமார் ஒரு மைல் தொலைவில் அமைந்துள்ள உலோகம் நிறைந்த பாறைகளில் 40 தங்க விரிசல்கள் கண்டறிந்தது. புவியியலாளர்களின் கூற்றுப்படி, இந்த நரம்புகளில் 300 டன் தங்கம் இருக்கலாம் என்று கூறப்படுகிறது. மேலும் முதற்கட்ட ஆய்வுகளில் 2 கிலோமீட்டர் ஆழத்தில் சுமார் 300 மெட்ரிக் டன் தங்கம் 40 தங்க விரிசல்களில் இருப்பது தெரியவந்தது. ஆனால், 3 கி.மீ., ஆழத்தில் அதிகமாக தங்கம் இருக்க கூடுதல் வாய்ப்புகள் இருப்பதாக ஆராய்ச்சியாளர்கள் தெரிவிக்கின்றனர்.
இந்த தங்க வளம் சுமார் 1,000 மெட்ரிக் டன் உயர்தர தாது இருப்பதாக மதிப்பிடப்பட்டுள்ளது. இதன் மதிப்பு 600 பில்லியன் யுவான் என சீன அதிகாரிகள் மதிப்பிட்டுள்ளனர். இந்திய மதிப்பில் சுமார் ரூ 7 லட்சம் கோடி என்றே கூறப்படுகிறது. இதுவரை கண்டுபிடிக்கப்பட்டுள்ள தங்கச் சுரங்கங்களில் இதுவே மிகப்பெரிய சுரங்கம் என்றும் கூறப்படுகிறது. தென்னாப்பிரிக்காவில் South Deep சுரங்கத்தில் 930 மெட்ரிக் டன் அளவுக்கு தங்கம் கண்டுபிடிக்கப்பட்டது. இதுவே மிகப்பெரிய சுரங்கம் என அறியப்பட்டு வந்த நிலையில், தற்போது சீனா அதை முறியடித்துள்ளது குறிப்பிடத்தக்கது.
இந்த பாரிய கண்டுபிடிப்பு சீனாவின் ஏற்கனவே ஆதிக்கம் செலுத்தும் தங்கத் தொழிலை மேம்படுத்தும் என்று எதிர்பார்க்கப்படுகிறது. 2024 ஆம் ஆண்டின் தொடக்கத்தில் 2,000 டன்களுக்கு மேல் இருப்புக்கள் மதிப்பிடப்பட்ட நிலையில், உலகின் மொத்த தங்க உற்பத்தியில் 10% இந்நாடு கொண்டுள்ளது. எலக்ட்ரானிக்ஸ் மற்றும் பேட்டரி உற்பத்தியில் பயன்படுத்தப்படும் விலைமதிப்பற்ற உலோகங்களின் சுரங்கத்திலும் சீனா முன்னணியில் உள்ளது. மேலும், கார்பன் உமிழ்வைக் குறைக்கும் நோக்கில் மேம்பட்ட சுரங்கத் தொழில்நுட்பங்களை ஏற்றுமதி செய்வதில் நாடு முன்னணியில் உள்ளது.
