உத்தரகாண்டில் பெய்த கனமழை காரணமாக, டேராடூனின் மால்தேவ்தாவில் உள்ள டூன் பாதுகாப்பு கல்லூரியின் கட்டிடம் இன்று (ஆகஸ்ட் 14) இடிந்து விழுந்தது. கடந்த 24 மணி நேரமாக பெய்த தொடர் மழையால் ஆற்றில் வெள்ளம் பெருக்கெடுத்து ஓடுகிறது. டேராடூன் உள்ளிட்ட 6 மாவட்டங்களுக்கு ரெட் அலெர்ட் விடுக்கப்பட்டுள்ளது.
உத்தரகாண்டில் கனமழை மற்றும் வெள்ளத்தில் சிக்கி இதுவரை 60 பேர் பாலியாகியுள்ளன. குறைந்தது 17 பேரைக் காணவில்லை என கூறப்படுகிறது. சுமார் 1,169 வீடுகள் சேதமடைந்துள்ளன. நிலச்சரிவுகளால் தேசிய நெடுஞ்சாலைகள் உள்ளிட்ட முக்கிய சாலைகள் துண்டிக்கப்பட்டுள்ளன. கனமழை மற்றும் வெள்ளம் காரணமாக டேராடூன் மற்றும் சம்பவாத்தில் உள்ள அனைத்து பள்ளிகளையும் மூட உத்தரவிடப்பட்டுள்ளது.
இந்நிலையில், இந்திய வானிலை ஆய்வு மையம் வெளியிட்ட அறிவிப்பில், உத்தரகாண்ட் மற்றும் இமாச்சல் பிரதேசத்தில் இன்று (ஆகஸ்ட் 14) மிக மிக கனமழை பெய்யும் என்று சிவப்பு எச்சரிக்கை விடுத்துள்ளது. மேலும், பொதுமக்கள் அனைவரும் பாதுகாப்பாக இருக்குமாறும் கேட்டுக்கொண்டுள்ளது.
