தாவரங்களில் பல மருத்துவ பயன்கள் இருக்கிறது. அதேபோல அசைவ உணவுகளிலும் பல மருத்துவ பலன்கள் இருக்கிறது. இஞ்சி, கொத்தமல்லி போன்ற மூலிகைகள் போட்டு தயார் செய்யப்படும் ஆட்டுக்கால் சூப் உடலுக்கு தேவையான ஆற்றலை கொடுக்கிறது.
ஆட்டுக்கால் சூப் சாப்பிடுவதால் கொலாஜின் உற்பத்தி அதிகரித்து எலும்பை வாழ்வாக்குகிறது மிளகு சேர்த்த ஆட்டுக்கால் சூப் சாப்பிடுவதால் நெஞ்சு சளி, இருமல் போன்ற பிரச்சனைகள் முடிவுக்கு வரும் குளிர்காலங்களில் ஆட்டுக்கால் சூப் சாப்பிடுவதால் குளிரை போக்குவதோடு ஜலதோஷ பிரச்சனைகளை குணப்படுத்தும்.
குடலில் உண்டாகக்கூடிய எரிச்சல் மற்றும் செரிமான கோளாறுகளை ஆட்டுக்கால் சூப் குணமாக்குகிறது. அதிக அளவிலான புரதசத்து கொண்ட ஆட்டுக்கால் சூப், பசியின்மையை ஏற்படுத்துவதால் எடையை குறைக்க சிறந்ததாக இருக்கும். ஆனால் ஏற்கனவே உடல் எடை குறைவாக இருப்பவர்கள் சாப்பிடுவதற்கு முன்னால் ஆட்டுக்கால் சூப் குடிக்காமல் இருப்பது நல்லது.
ஆட்டுக்கால் சூப்பில் இருக்கின்ற பாஸ்பரஸ், கால்சியம் சத்துக்கள் பற்களை ஆரோக்கியமாக்குகிறது. ஆட்டுக்கால் சூப்பில் இருக்கின்ற மூலிகைகள் உடலில் இருக்கின்ற நச்சுக்களை வெளியேற்ற உதவுகிறது. ஆட்டுக்கால் சூப்பில் இருக்கின்ற அர்ஜினைன், குளுட்டமைன் போன்றவை நோய் எதிர்ப்பு சக்தியை அதிகரிக்கிறது.
