fbpx

இளம் பெண்களின் புகைப்படங்களை வைத்து மிரட்டிய கல்லூரி மாணவன்.! சிக்கிக்கொண்ட சிறுமி.!

இளம் பெண்களின் அந்தரங்க புகைப்படங்களை இணையதளங்களில் வெளியிடுவதாக மிரட்டிய 17 வயது கல்லூரி மாணவரை டெல்லி போலீசார் கைது செய்திருக்கின்றனர். இது தொடர்பாக 14 வயது சிறுமி ஒருவருடைய தந்தை அளித்த புகாரின் பேரில் அந்த மாணவர் கைது செய்யப்பட்டு இருக்கிறார்.

தனது மகள் யாரோ ஒருவருடன் இன்ஸ்டாகிராமில் புகைப்படங்களை பகிர்ந்ததாகவும் அதனை வைத்து அந்த நபர் சமூக வலைதளங்களில் புகைப்படங்களை வெளியிடுவேன் என்று மிரட்டுவதாகவும் தன்மகள் கூறியதை அடுத்து காவல்துறையின் உதவியை நாடி இருக்கிறார் அந்த தந்தை.

இந்த வழக்கில் உடனடியாக செயல்பட்ட காவல்துறையினர் அந்த சிறுமியை தொடர்பு கொண்ட நபரின் அடையாளங்களை ஐபி அட்ரஸின் மூலம் கண்டுபிடித்து அவரது வீட்டிற்கு சென்றனர். அந்த மாணவர் அங்கு இல்லாததால் அவரது தந்தையிடம் மகனை ஆஜர் படுத்தும் படி கூறிவிட்டுச் சென்றனர்.

வீட்டிற்கு வந்த மகனை காவல்துறையின் உத்தரவுப்படி போலீஸ் ஸ்டேஷனில் ஆஜர் படுத்தினார் தந்தை. அந்த மாணவரை கைது செய்த காவல்துறை அவரிடம் விசாரணை நடத்தியதில் தான் செய்த குற்றங்களை ஒத்துக் கொண்டார். மேலும் அவரிடம் இருந்து இதற்காக பயன்படுத்தப்பட்ட செல்போன் மற்றும் சிம் கார்டுகளையும் கைப்பற்றியது போலீஸ்.

இந்தச் சிறுமி மட்டுமல்லாது பல்வேறு இளம் பெண்களின் புகைப்படங்களும் அந்த நபரின் செல்போனில் இருப்பதைக் கண்டு அதிர்ச்சி அடைந்தது காவல்துறை. இது தொடர்பாக பல்வேறு பெண்களும் பாதிக்கப்பட்டுள்ளதை உணர்ந்த காவல்துறை அந்த நபரிடம் தீவிர விசாரணை செய்து வருகிறது.

Baskar

Next Post

கோர்ட்டுக்கு ஜீன்ஸ் பேண்ட்டில் வந்த வக்கீலுக்கு அரங்கேறிய சம்பவம்.!

Sun Jan 29 , 2023
உயர் நீதிமன்றத்திற்கு ஜீன்ஸ் பேண்ட் அணிந்து வந்த வழக்கறிஞர் நீதிமன்ற வளாகத்தில் இருந்து வெளியேற்றப்பட்ட சம்பவம் அசாமில் பரபரப்பு ஏற்படுத்தியது. அசாமை சார்ந்த வழக்கறிஞர் மகாஜன். இவர் அசாம் மாநிலம் கௌகாத்தியில் உள்ள உயர் நீதிமன்றத்திற்கு ஒரு ஜாமீன் மனு விசாரணை தொடர்பாக ஆஜராக வந்திருந்தார். அப்போது அவர் ஜீன்ஸ் பேண்ட் அணிந்து வந்ததால் அதிருப்தி அடைந்த நீதிபதி அங்குள்ள காவலர்களை அழைத்து அவரை நீதிமன்ற வளாகத்தில் இருந்து வெளியேற்றுமாறு […]

You May Like