விலையில்லா பாடப்புத்தகங்கள், நோட்டுகள் விநியோகத்தை விரைந்து முடிக்க பள்ளிக்கல்வித்துறை உத்தரவிட்டுள்ளது..
கடந்த ஜூன் 13ஆம் தேதி தமிழகம் முழுவதும் திறக்கப்பட்ட நிலையில், இன்னும் பல இடங்களில் மாணவ-மாணவிகளுக்கு விலையில்லா பாடப்புத்தகங்கள் சரிவர வழங்கப்படவில்லை என புகார்கள் வந்துள்ளன. இதையடுத்து, அரசு மற்றும் அரசு உதவி பெறும் பள்ளிகளில் பயிலும் அனைத்து மாணவர்களுக்கும் விலையில்லா பாடப்புத்தகங்கள் வழங்குவதை உறுதி செய்தல், விலையில்லா சீருடை விநியோகம், எண்ணும் எழுத்தும் திட்டத்தை நடைமுறைப்படுத்துதல், நர்சரி, பிரைமரி பள்ளிகளுக்கான அங்கீகாரம், கட்டட இடிப்பு, துணைத் தேர்வு, சிறப்பு ஊக்கத்தொகை, இல்லம் தேடிக் கல்வி உள்ளிட்டவை குறித்து அன்பில் மகேஷ் ஆலோசனை நடத்த உள்ள தகவல் வெளியானது..
இந்நிலையில் விலையில்லா பாடப்புத்தகங்கள், நோட்டுகள் விநியோகத்தை விரைந்து முடிக்க பள்ளிக்கல்வித்துறை உத்தரவிட்டுள்ளது.. கால தாமதமின்றி அனைத்து மாணவர்களுக்கும் விலையில்லா பாடப்புத்தகங்கள் வழங்குவதை உறுதி செய்ய வேண்டும் என்றும் அறிவுறுத்தப்பட்டுள்ளது.. அதன்படி, ஆகஸ்ட் மாத இறுதிக்குள் விலையில்லா, சீருடை, புத்தகப் பை உள்ளிட்டவற்றை விநியோகத்தை முடிக்க தீவிர நடவடிக்கை மேற்கொள்ள வேண்டும் என்று கூறப்பட்டுள்ளது..
