விவசாயிகளுக்கு 13-வது தவணை எப்போது வெளியாகும் என்பது குறித்த தகவல் வெளியாகி உள்ளது.
மத்திய அரசு பல்வேறு நலத்திட்டங்கள் மூலம் மக்களுக்கு நிதியுதவி வழங்கி வருகிறது. அந்த வகையில், பிஎம் கிசான் திட்டத்தின் கீழ் விவசாயிகளுக்கு ஆண்டுக்கு ரூ.6,000 மூன்று தவணையாக வழங்கப்பட்டு வருகிறது. இந்த பணம் நேரடியாக விவசாயிகளின் வங்கிக் கணக்கில் செலுத்தப்படுகிறது. இந்த திட்டத்தின் கீழ் ஒவ்வொரு ஆண்டும் ஏப்ரல் 1 முதல் ஜூலை 31 வரையிலும், 2-வது தவணை ஆகஸ்ட் 1 முதல் நவம்பர் 30 வரையிலும், மூன்றாவது தவணை டிசம்பர் 1 முதல் மார்ச் 31 வரை வழங்கப்படுகிறது. தற்போது வரை 12 தவணை பணம் வழங்கப்பட்டுள்ள நிலையில்ம் 13-வது தவணையானது எப்போது வரும் என்று விவசாயிகள் காத்திருக்கின்றனர்.
இந்நிலையில், 13-வது தவணைத்தொகை குறித்த சில தகவல்கள் தற்போது வெளியாகி உள்ளது. அதாவது, 2023 ஜனவரி மாதத்தில் பிஎம் கிசான் பயனாளிகளுக்கு 13-வது தவணை வங்கிக் கணக்கில் வரவு வைக்கப்படும் என்று அறிவிக்கப்பட்டுள்ளது. மேலும், ஜனவரி 26ஆம் தேதி வரை விவசாயிகளின் வங்கிக் கணக்கில் பணம் வரவு வைக்கப்படும் என்றும் குறிப்பிடப்பட்டுள்ளது. இந்த அறிவிப்பு விவசாயிகள் மத்தியில் பெரும் மகிழ்ச்சியை ஏற்படுத்தியுள்ளது.
