இளநிலை மருத்துவ படிப்புக்கான நீட் தேர்வு முடிவுகள் வெளியாகியுள்ளன. மாணவர்கள் தங்களின் மதிப்பெண்களை தேசிய தேர்வு முகமை (NTA)-வின் அதிகாரப்பூர்வ இணையதளத்தில் சரி பார்த்துக்கொள்ளலாம்.
தேசிய தேர்வு முகமை (NTA) செவ்வாயன்று (ஜூன் 4) இளநிலை மருத்துவப் படிப்புகளுக்கான நீட் தேர்வு முடிவுகளை அதன் அதிகாரப்பூர்வ இணையதளத்தில் வெளியிட்டது. தேசிய தகுதி மற்றும் நுழைவுத் தேர்வு (NEET-UG) தேர்வில் கலந்து கொண்ட MBBS விண்ணப்பதாரர்கள் தங்கள் முடிவுகளை https://exams.nta.ac.in/NEET இணையதளத்தில் தெரிந்து கொள்ளலாம்.
மேலும், முடிவுகளுக்கு கூடுதலாக,தேசிய தேர்வு முகமை ஆனது NEET UG 2024க்கான இறுதி விடைக்குறிப்பையும் வெளியிட்டுள்ளது. மே 5, 2024 அன்று நடந்த NEET UG தேர்வில் 24 லட்சத்திற்கும் அதிகமான மாணவர்கள் பங்கேற்றனர். இது இந்தியா முழுவதும் மருத்துவப் படிப்புகளில் சேருவதற்கான நுழைவுத் தேர்வாகும். முன்னதாக, NTA மே 29 அன்று கேள்விகளுக்கான விடைக்குறிப்புகளை வெளியிட்டது. மேலும் மாணவர்கள் தங்களது பதில்களை சரிபார்த்துக்கொள்ள மே 31 வரை அவகாசம் வழங்கப்பட்டது.
இந்ததாண்டு தேர்வெழுத 9 லட்சத்து 96 ஆயிரத்து 393 ஆண்களும், 13 லட்சத்து 31 ஆயிரத்து 321 பெண்களும், 17 திருநங்கைகளும் தேர்வு எழுதினர். முன்னதாக, பகிரப்பட்ட தரவுகளில், தேர்வில் மொத்த வருகை 96.94% என்றும், இதில் மாணவர்கள் 96.92%, பெண்கள் 96.96% மற்றும் திருநங்கைகள் 94.44% என்றும் தேசிய தேர்வு முகமை குறிப்பிட்டிருந்தது.
விண்ணப்பதாரர்கள் பின்வரும் படிகளைச் சரிபார்த்து, தங்கள் மதிப்பெண் பட்டியலை எளிதாகப் பதிவிறக்கலாம்
exams.nta.ac.in/NEET என்ற அதிகாரப்பூர்வ இணையதளத்தை கிளிக் செய்யவும்
முகப்புப் பக்கத்தில் காட்டப்படும் NEET UG Result 2024 இணைப்பைத் தட்டவும்
உங்கள் உள்நுழைவு விவரங்களை உள்ளிட்டு சமர்ப்பி என்பதைக் கிளிக் செய்யவும்
மதிப்பெண் பட்டியல் திரையில் காட்டப்படும்
இதனைத் தொடர்ந்து உங்களது மதிப்பெண் பட்டியலுக்கான பக்கத்தைப் நீங்கள் பதிவிறக்கி கொள்ளலாம்.
Read More: Lok Sabha election Results 2024 : தமிழ்நாட்டின் தொகுதிவாரி தேர்தல் முடிவுகளின் முழு விவரம் இதோ..!!
