தமிழ்நாட்டின் முன்னாள் முதல்வரும் அதிமுக கட்சியின் நிறுவனருமான மக்கள் திலகம் டாக்டர் எம்.ஜி.ஆரின் 107 ஆவது பிறந்தநாள் விழா தமிழகமெங்கும் இன்று கொண்டாடப்பட்டு வருகிறது. இந்நிலையில் எம்ஜிஆர் பிறந்த பிறந்த நாளை முன்னிட்டு அவரது படத்திற்கு பதிலாக அரவிந்த்சாமியின் படத்தை பேனரில் வைத்த சம்பவம் பரபரப்பை ஏற்படுத்தி இருக்கிறது.
எம்ஜிஆரின் பிறந்த நாள் விழாவை தமிழகம் முழுவதும் அதிமுக கட்சியினர் மற்றும் எம்ஜிஆர் ரசிகர்கள் கோலாகலமாக கொண்டாடி வருகின்றனர். இந்நிலையில் திருப்பத்தூர் மாவட்டத்தில் எம்ஜிஆர் பிறந்த நாளை முன்னிட்டு வைக்கப்பட்ட பேனரில் எம்ஜிஆர் போட்டோக்கு பதிலாக நடிகர் அரவிந்த்சாமியின் புகைப்படம் இடம் பெற்ற சம்பவம் சமூக வலைதளங்களில் வைரலாகி வருகிறது.
மறைந்த முதல்வர் ஜெயலலிதாவின் வாழ்க்கை வரலாற்று திரைப்படமான தலைவி படத்தில் எம்ஜிஆர் கதாபாத்திரத்தில் நடித்திருந்தார் அரவிந்த்சாமி. அந்தப் புகைப்படத்தை எம்ஜிஆருக்கு பதிலாக பேனரில் அச்சடித்த சம்பவம் தற்போது ட்ரெண்டிங்காகி வருகிறது. இந்த பேனர் புகைப்படத்தை பலரும் சமூக வலைதளங்களில் பகிர்ந்து கேலி செய்து வருகின்றனர்.
