ஆந்திர பிரதேச மாநிலத்தில் மைனர் பெண் 11 பேரால் அடுத்தடுத்து கற்பழிக்கப்பட்ட சம்பவம் அதிர்ச்சியை ஏற்படுத்தி இருக்கிறது. இது தொடர்பாக காவல்துறையினர் 11 பேரை கைது செய்து அவர்களைப் போக்சோ சட்டத்தின் கீழ் வழக்கு பதிவு செய்து சிறையில் அடைத்துள்ளனர்.
சம்பவம் நடந்த தினத்தன்று ஒடிசா மாநிலத்தைச் சேர்ந்த மைனர் பெண் ஒருவரை அவரது காதலர் பிறந்தநாள் கொண்டாடுவதற்காக ஹோட்டல் அறைக்கு அழைத்துச் சென்று இருக்கிறார். அங்கு வைத்து அந்த பெண்ணை பாலியல் பலாத்காரம் செய்ததோடு தனது நண்பரையும் அழைத்து வந்து பாலியல் வன்புணர்வு செய்ய வைத்துள்ளார். இதனைத் தொடர்ந்து அங்கிருந்து வெளியேறிய பெண் தற்கொலை செய்வதற்காக கடற்கரைக்கு சென்று இருக்கிறார்.
அங்கிருந்த போட்டோகிராபர் ஒருவர் அந்தப் பெண்ணிற்கு ஆறுதல் சொல்வது போல நடித்து தனது அறைக்கு அழைத்துச் சென்று பாலியல் வன்புணர்வு செய்துள்ளார். இதனைத் தொடர்ந்து அந்த போட்டோகிராபர் நண்பர்கள் 8 பேரும் அந்தப் பெண்ணை கூட்டு பாலியல் வன்புணர்வு செய்துள்ளனர். இதனை தொடர்ந்து அவர்களிடம் இருந்து தப்பிச் சென்ற பெண் ஆந்திராவில் இருந்து ஒடிசாவிற்கு சென்றுள்ளார். அந்தப் பெண் காணாமல் போனதை தொடர்ந்து அவரது பெற்றோர்கள் காவல்துறையில் அளித்த புகாரின் பேரில் நடைபெற்ற விசாரணையில் இந்த கற்பழிப்பு சம்பவங்கள் வெளியாகி இருக்கிறது .
இதனைத் தொடர்ந்து ஒடிசா மாநிலத்திற்கு சென்று அந்தப் பெண்ணை மீட்டு வந்த காவல்துறையினர் இது தொடர்பான குற்றவாளிகள் 11 பேரை கைது செய்துள்ளனர். மேலும் கைது செய்யப்பட்டவர்களின் மீது போக்சோ சட்டத்தின் கீழ் வழக்கு பதிவு செய்யப்பட்டு சிறையில் அடைக்கப்பட்டுள்ளனர். மைனர் பெண் 11 நபர்களால் கற்பழிப்பு செய்யப்பட்ட சம்பவம் அதிர்ச்சியையும் பதட்டத்தையும் ஏற்படுத்தி இருக்கிறது.
