இரட்டை இலை சின்னத்தைப் பெற லஞ்சம் கொடுத்த வழக்கில் கைதான, சுகேஷ் சந்திரசேகர் டெல்லி திஹார் ஜெயிலில் அடைக்கப்பட்டுள்ளார். அங்கிருந்து தன்னை வேறு சிறைச்சாலைக்கு மாற்ற வேண்டும் என்று நீதிமன்றத்தில் மனு தாக்கல் செய்துள்ளார்.
இந்நிலையில் சிறையில் இருக்கும் 80 க்கும் மேற்பட்ட அதிகாரிகள் மீது டெல்லி காவல்துறையினர், வழக்கு பதிவு செய்துள்ளனர். மேலும் காவல்துறையினரே, சந்திரசேகரிடம் லஞ்சம் வாங்கியதாக காவல்துறையினர் வழக்கு பதிவு செய்துள்ளனர். மேலும் ஜெயில் அதிகாரிகள் சுகேஷிடம் லஞ்சம் வாங்கிக் கொண்டு அவருக்கு, செல்போன்கள், ஒரு தனி அறை, மேலும் பல சொகுசு வசதிகளை செய்து கொடுத்துள்ளனர். மொத்தம் 81 அதிகாரிகள் 12 கோடி லஞ்சம் வாங்கி உள்ளனர். இது சுரேஷ் சந்திரசேகருக்கு அவரது கூட்டாளிகளை தொடர்பு கொண்டு சட்டவிரோத நடவடிக்கைகளை மேற்கொள்ள உதவியது.
இதுதொடர்பாக திகார் சிறை நிர்வாகத்திடம் அனுமதி வாங்கி, காவல்துறையினர் குற்றவாளிகள் மீது வழக்கு பதிவு செய்தனர்.
இந்த விவகாரத்தில் ஏற்கனவே எட்டு ஜெயில் ஊழியர்களை, காவல்துறையினர் கைது செய்துள்ளனர். இதற்கு முன் சந்திரசேகர் தனது கூட்டாளிகளை தொடர்பு கொள்ள, ஜெயில் ஹாஸ்பிடலில் பணிபுரியும் மருத்துவ ஊழியர்களின் உதவியை பெற்றதாக குற்றச்சாட்டுகளை எதிர் கொண்டார். இது தொடர்பாக நடத்தப்பட்ட விசாரணையில் ஜெயில் அதிகாரிகளுக்கு மாதந்தோறும் 1.5 கோடி ரூபாய் லஞ்சமாக கொடுத்தது தெரியவந்துள்ளது.
