கோவையைச் சேர்ந்த 12 வயது சிறுமியின் தந்தை வீட்டை விட்டு வெளியேறி விட்ட நிலையில், மனநல பாதிப்புக்கு உள்ளான தன்னுடைய தாயுடன் அந்த சிறுமி வசித்து வந்தார். அதோடு அரசு பள்ளியில் அவர் படித்து வருகிறார் இத்தகைய நிலையில், சிறுமி படித்து வரும் அரசு பள்ளியில் சைல்டு லைன் சார்பாக போக்சோ தொடர்பான விழிப்புணர்வு நிகழ்ச்சி ஒன்று நடந்தது.
இந்த விழிப்புணர்வு நிகழ்ச்சியில் சிறுமிகள் பாலியல் ரீதியான தாக்குதலுக்கு உட்படுத்தப்பட்டால் எந்தவித தயக்கமும் இல்லாமல் தனியாக வந்து புகார் வழங்கலாம் என்று அதிகாரிகள் கூறியிருந்தனர். ஆகவே அந்த சிறுமி அதிகாரியிடம் தனக்கு நேர்ந்த பாலியல் துன்புறுத்தல் தொடர்பாக கூறினார். அந்த சிறுமையை தெரிவித்ததாவது அந்த சிறுமியின் வீட்டின் அருகில் வசித்து வரும் மதன் (24) என்ற நபர் அவருடைய மனைவி சண்டையிட்டு வெளியே சென்றபோது வெளியே விளையாடிக் கொண்டிருந்த சிறுமியை வீட்டிற்குள் அழைத்துச் சென்று பாலியல் ரீதியாக வன்கொடுமை செய்திருக்கிறார் என்று அந்த சிறுமி தெரிவித்துள்ளார்.
இது தொடர்பாக வெளியே சொல்ல கூடாது என்றும் அந்த சிறுமியை அந்த இளைஞர் மிரட்டியுள்ளார். ஒரு 17 வயது சிறுவன் சிறுமி கடைக்கு வரும்போது பேசி பழகி அடிக்கடி பாலியல் சீண்டலில் ஈடுபட்டதாகவும் அந்த சிறுமி கூறியுள்ளார். அதேபோல சிறுமியின் தந்தையின் நண்பரான சதாசிவம் (48) என்பவர் சிறுமியை பள்ளிக்கு அழைத்து செல்லும்போது பாலியல் சீண்டலில் ஈடுபட்டதாக கூறப்படுகிறது.
இவை அனைத்தையும் சைல்ட் லைன் அதிகாரிகளிடம் சிறுமி தெரிவித்திருக்கிறார். இதை கேட்டு அதிர்ச்சியடைந்த அதிகாரிகள், பேரூர் அனைத்து மகளிர் காவல் நிலையத்தில் புகார் வழங்கினர். இந்த புகாரை அடிப்படையாகக் கொண்டு, வழக்கு பதிவு செய்த பேரூர் காவல்துறையைச் சார்ந்தவர்கள் மதன் (17) என்ற சிறுவன் மற்றும் சதாசிவம் உள்ளிட்ட மூவரையும் சட்டத்தின் கீழ் கைது செய்து நீதிமன்றத்தில் ஆஜர் படுத்தி சிறையில் அடைத்தனர். அதோடு, 17 வயது சிறுவனை சிறுவர் சீர்திருத்த பள்ளியில் அடைத்திருக்கிறார்கள். அதோடு, இது தொடர்பாக காவல்துறையினரின் தரப்பில் தீவிர விசாரணை நடைபெற்று வருகிறது.
