உலகப் பிரசித்தி பெற்ற சித்திரை திருவிழா கடந்த 23ஆம் தேதி மதுரை மீனாட்சி அம்மன் கோவிலில் கொடியேற்றத்துடன் ஆரம்பமானது.. சென்ற 2 தினங்களும் மீனாட்சியம்மனும், சுந்தரேஸ்வரரும் ஒவ்வொரு வாகனத்தில் உலா சென்று பக்தர்களுக்கு அருள்பாலித்து வருகிறார்கள்.
இந்த நிலையில், சித்திரை திருவிழாவின் முக்கிய நிகழ்வான மீனாட்சியம்மன் திருக்கல்யாணம் வரும் மே மாதம் 2ம் தேதி தேரோட்ட வைபவம் மே மாத 3ம் தேதியும் நடைபெற இருக்கிறது. அதோடு உலகப் புகழ்பெற்ற கள்ளழகர் வைகை ஆற்றில் இறங்கும் வைபவம் மே மாதம் 5ம் தேதி நடைபெற இருக்கிறது.
இதனை முன்னிட்டு மதுரையில் மே மாதம் 5ம் தேதி உள்ளூர் விடுமுறை என்று அறிவித்து மாவட்ட ஆட்சியர் அனீஷ் சேகர் உத்தரவு பிறப்பித்துள்ளார்.
