சிங்கப்பூர் ஓபன் பேட்மிண்டன் இறுதிப் போட்டியில் சீனா வீராங்கனை வீழ்த்தி சாம்பியன் பட்டத்தை வென்றார் பி.வி.சிந்து.
சிங்கப்பூரில் நடைபெற்று வரும் சிங்கப்பூர் ஓபன் பேட்மிண்டன் போட்டியில் சீன வீராங்கனை வாங் சியை 21 -9, 11-21, 21-15 என்ற செட் கணக்கில் பி.வி.சிந்து வீழ்த்தினார். முன்னதாக நேற்று நடைபெற்ற அரையிறுதிப் போட்டியில் ஜப்பானிய வீராங்கனை சயானா கவாகாமியை 21-15,21-7 என்ற செட் கணக்கில் பி.வி.சிந்து தோற்கடித்தார். சிங்கப்பூர் ஓபன் போட்டியில் இந்திய வீராங்கனை பி.வி.சிந்து முதன்முறையாக சாம்பியன் பட்டம் பெறுகிறார்.
அதேபோல், இந்திய துப்பாக்கிச் சுடும் வீராங்கனை அர்ஜும் மொட்கில், ஐஎஸ்எஸ்எஃப் உலகப் கோப்பையின் 50 மீ பெண்கள் துப்பாக்கிச் சுடும் போட்டியில் 3-வது இடத்தை பிடித்து வெண்கலப் பதக்கம் வென்றுள்ளார். 402.9 புள்ளிகளுடன் அன்ஜும் முன்றாம் இடத்தை பிடித்தார். சனிக்கிழமையன்று நடைபெற்ற ராங்கிங் சுற்றில் 6-வது இடத்தை பிடித்து இறுதிப் போட்டிக்கு தேர்வானார் அர்ஜும். இறுதிப் போட்டியில் ஜெர்மனியின் அனா யாங்சென் தங்கப் பதக்கமும், இத்தாலியைச் சேர்ந்த பார்பரா கம்ப்ரோ வெள்ளிப் பதக்கமும் வென்றனர்.
