ராஜஸ்தானில் ஒருவரை ஒருவர் கற்களால் தாக்கிக்கொள்ளும் வினோத ஹோலி பண்டிகை கொண்டாடப்பட்டது. வடமாநிலங்களில் ஹோலி பண்டிகை என்றாலே வண்ண பொடிகளை ஒருவர் மீது ஒருவர் தூவி வாழ்த்துகளை தெரிவித்து கொள்வர். ஆனால், சில இடங்களில் ஒருவரை ஒருவர் கற்களால் தாக்கிக் கொள்ளும் விநோத நிகழ்வும் ஆண்டுதோறும் நடந்து வருகிறது. அந்த வகையில், ராஜஸ்தான் மாநிலம் துங்கர்பூர் அருகே பிலுடா கிராமத்தில் தான் அந்த வினோத ஹோலி பண்டிகை கொண்டாடப்பட்டது.
ஊரின் மையப்பகுதியில் திரண்ட இளைஞர்கள் ஒருவர் மீது ஒருவர் சரமாரியாக கற்களால் தாக்கி கொண்டு ஹோலி வாழ்த்துகளை பரிமாறிக் கொண்டனர். இந்த வினோத ஹோலி கொண்டாட்டத்தை ஊரே திரண்டு வேடிக்கை பார்த்தது. கல் எறியும் ஹோலியில் 30-க்கும் மேற்பட்டோர் காயமடைந்து மருத்துவமனையில் சிகிச்சை பெற்றனர்.
