காதலுக்கு எதிர்ப்பு தெரிவித்த பெற்றோருக்கு: ராணுவத்தில் சேர போவதாக போக்கு காட்டி இளைஞர் செய்த காரியம்…!

தர்மபுரி மாவட்டம் கம்பைநல்லூர் அருகே உள்ள ஆல்ரப்பட்டி கிராமத்தில் வசித்து வருபவர் முருகன். இவரது மகன் 22 வயதான மேகன். இவர் அதே பகுதியில் உள்ள ஒரு பெண்ணை காதலித்து வந்ததாக கூறப்படுகிறது. இந்த காதலுக்கு மேகனின் பெற்றோர்கள் சம்மதிக்காமல் எதிர்ப்பு தெரிவித்துள்ளனர்.

இந்நிலையில் நேற்று அக்னிபாத் திட்டத்தில் ராணுவத்தில் சேர விண்ணப்பிக்க போகிறேன் என கூறி மோகன் அவரது பெற்றோர்களிடமிருந்து 250 ரூபாய் வாங்கி சென்றுள்ளார். அந்த பணத்தை வைத்து மதுபானம் வாங்கி அதில் பூச்சி மருந்து கலந்து குடித்து மயங்கி கிடந்தார். அங்கிருந்தவர்கள் பார்த்துவிட்டு அவரை மீட்டு தருமபுரி அரசு மருத்துவமனையில் சிகிச்சையாக அனுமதித்தனர். அங்கு சிகிச்சை பலனின்றி மோகன்பரிதாபமாக உயிரிழந்தார்.

இந்த சம்பவம் குறித்து மேகனின் தந்தை முருகன் கம்பைநல்லூர் காவல் நிலையத்தில் புகார் அளித்தார். புகாரின் அடிப்படையில் சப்-இன்ஸ்பெக்டர் நடராஜ் வழக்கு பதிவு செய்து, பிரேதத்தை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைக்கப்பட்டது. மேலும் இந்த சம்பவம் குறித்து இன்ஸ்பெக்டர் செந்தில்குமார் விசாரணை நடத்தி வருகிறார்.

Baskar

Next Post

பணியாளர்களை ஊக்குவிக்க 8 சதவீதம் வரை சம்பள உயர்வு..! டிசிஎஸ் நிறுவனம் அறிவிப்பு..!

Sat Jul 9 , 2022
பணியாளர்களை ஊக்குவிக்கும் வகையில், சம்பள உயர்வு அளிக்கப்படும் என்று டிசிஎஸ் நிறுவனம் தெரிவித்துள்ளது. 2023ஆம் நிதியாண்டின் முதல் (ஜூன்) காலாண்டுக்கான வரவு செலவு அறிக்கையை டிசிஎஸ் நிறுவனம் தாக்கல் செய்தது. இந்த காலாண்டில் அதன் நிகர லாபம் 9,478 கோடியாக உள்ளது. இது, கடந்த காலாண்டை விட 5.2% அதிகமாகும். இதுகுறித்து செய்தியாளர்களிடம் பேசிய டிசிஎஸ் நிறுவனத்தின் சர்வதேச மனிதவளத்துறையின் தலைவர் மிலந்த் லக்காட் ,” நிறுவனத்தின் வருவாய் வளர்ச்சி […]
பணியாளர்களை ஊக்குவிக்க 8 சதவீதம் வரை சம்பள உயர்வு..! டிசிஎஸ் நிறுவனம் அறிவிப்பு..!

You May Like