இன்ஸ்டாகிராமில் தகாத வார்த்தையால் திட்டிய இளைஞரை… போட்டுத் தள்ளிய நண்பர்கள்…!

மைசூரு மாவட்டம் உன்சூர் டவுனில் வசித்து வருபவர் பீரேஸ்(23). அதே பகுதியை சேர்ந்தவர்கள் நிதின் மற்றும் அவரது நண்பர் மனு. இந்நிலையில் பீரேசுக்கும், நிதினுக்கும் இடையே முன்விரோதம் இருந்து வந்ததாக கூறப்படுகிறது. இந்த நிலையில் பீரேஸ், நிதினை இன்ஸ்டாகிராமில் தகாத வார்த்தைகளால் திட்டி மெசேஜ் அனுப்பியுள்ளார்.

இதனால் ஆத்திரமடைந்த நிதின், பீரேசை கொலை செய்ய திட்டம் போட்டுள்ளார். அதன்படி நேற்று முன்தினம், நிதின் மற்றும் அவரது நண்பர் மனு இரண்டு பேரும் சேர்ந்து பீரேசை சமாதானமாக பேசி, அவர்களது இருசக்கர வாகனத்தில் ஆள்நடமாட்டம் இல்லாத பகுதிக்கு அழைத்து சென்றுள்ளனர். பின்னர் அங்கு வைத்து பீரேசை, இரண்டு பேரும் அவர்கள் வைத்திருந்த கத்தியால் சரமாரியாக குத்திவிட்டு இருசக்கர வாகனத்தில் தப்பி சென்று விட்டனர். இதையடுத்து கத்தியால் குத்துபட்டு காயம் அடைந்த பீரேசை, அப்பகுதியினர் உடனடியாக மீட்டு சிகிச்சைக்காக அரசு மருத்துவமனையில் சேர்த்தனர்.

அங்கு அவருக்கு தீவிர சிகிச்சை அளிக்கப்பட்டது. ஆனாலும் சிகிச்சை பலனின்றி பீரேஸ் பரிதாபமாக உயிரிழந்தார். இந்த சம்பவம் அறிந்து உன்சூர் காவல்துறையினர் சம்பவ இடத்திற்கு விரைந்து சென்று விசாரணை நடத்தினர். அதில், இன்ஸ்டாகிராமில் தகாத வார்த்தைகளால் திட்டி மெசேஜ் அனுப்பியதால் பீரேசை, நிதின் மற்றும் அவரது நண்பர் மனு கத்தியால் குத்தி கொலை செய்தது தெரியவந்தது. இதுகுறித்து உன்சூர் காவல்துறையினர் வழக்குப்பதிவு செய்து இரண்டு பேரையும் வலைவீசி தேடிவருகின்றனர்.

Baskar

Next Post

வேலை வாங்கித் தருவதாக கூறி இளம்பெண்ணுடன் கட்டாய உடலுறவு..! போலீஸ் எஸ்.ஐ. சிக்கியது எப்படி?

Thu Jul 14 , 2022
போலீஸ் வேலை வாங்கித் தருவதாக ஆசைவார்த்தைக் கூறி இளம்பெண்ணுக்கு அடிக்கடி போலீஸ் எஸ்.பி. பாலியல் தொல்லை கொடுத்து வந்த சம்பவம் பெரும் பரபரப்பை ஏற்படுத்தியுள்ளது. தெலங்கானா மாநிலம் ஆசியாபாத் மாவட்டத்தை சேர்ந்த இளம்பெண் காவல்துறையில் சேர வேண்டும் என்கிற ஆர்வத்தில் தினமும் பயிற்சி எடுத்து வந்துள்ளார். அப்போது, அந்தப் பெண்ணுக்கு போலீஸ் எஸ்ஐ உடன் பழக்கம் ஏற்பட்டுள்ளது. இதனை சாதகமாக்கிக் கொண்ட எஸ்.ஐ. அந்த பெண்ணுக்கு வலை விரித்துள்ளார். அதன்படி, […]
அதிகரிக்கும் பாலியல் குற்றங்கள்..!! லிஸ்டில் இடம்பிடித்த தமிழ்நாடு..!! மத்திய அரசின் அறிக்கையால் அதிர்ச்சி..!!

You May Like