அதிகரிக்கும் கொரோனா… வரும் ஜூலை 24-ம் தேதி வரை அனைத்து பள்ளிகளையும் மூட உத்தரவு…! மீறினால் நடவடிக்கை

மணிப்பூர் மாநிலத்தில் கொரோனா வழக்குகள் கடுமையாக அதிகரித்து வருவதால், உடனடியாக அமலுக்கு வரும் வகையில் பள்ளிகளை மூடுவதற்கான உத்தரவை மாநில அரசு செவ்வாய்க்கிழமை வெளியிட்டுள்ளது.

இது குறித்து கல்வித்துறை ஆணையர் எச்.கியான் பிரகாஷ் தனது உத்தரவில்; மாநிலத்தில் கடந்த சில நாட்களாக வைரஸ் பாதிப்பு எண்ணிக்கை தொடர்ந்து அதிகரித்து வருகிறது. கொரோனாவுக்கு எதிராக மேற்கொள்ளப்படும் சோதனை நேர்மறை விகிதம் 15 சதவீதத்திற்கும் அதிகமாக உள்ளது. எனவே, 12 வயதிற்குட்பட்ட குழந்தைகளுக்கு இன்னும் தடுப்பூசி போடப்படவில்லை, இதனால் மாணவர்களுக்கு கொரோனா பாதிப்பு கணிசமாக அதிகரிக்கிறது. “குழந்தைகளின் சுகாதாரப் பாதுகாப்பைக் கருத்தில் கொண்டு, மாநிலத்தில் அமைந்துள்ள அரசு மற்றும் அரசு உதவி பெறும் பள்ளி, தனியார் பள்ளிகள், சிபிஎஸ்இ-யுடன் இணைந்த பள்ளிகள் நேரடி வகுப்புகளை நடத்துவதை உடனே நிறுத்த வேண்டும். வரும் ஜூலை 24ஆம் தேதி வரை பள்ளிகள் மூடப்பட்டிருக்கும்  என்று உத்தரவில் கூறியுள்ளார்.

மாநிலத்தில் மேலும், கொரோனோ பரவாமல் தடுக்க மக்கள் அரசாங்கம் அறிவுறுத்தியுள்ள நோய் தடுப்பு வழிமுறைகளான.. சமூக இடைவெளியைப் பின்பற்றுதல், முகக்கவசம் அணிதல், கைகளைக் கிருமி நாசினி கொண்டு சுத்தம் செய்தல் போன்றவற்றை பின்பற்ற வேண்டும். அனைவரும் இரண்டு தவணை தடுப்பூசி செலுத்திக் கொள்ள வேண்டும். தொடர்ந்து அதிகரித்து வரும் வைரஸ் பாதிப்பால் மீண்டும் கட்டுப்பாடுகள் அதிகரிக்கப்படுமா என்ற கேள்வி மக்கள் மத்தியில் எழுந்துள்ளது.

Also Read: இதை செய்ய தவறினால் ஆண்டுக்கு சுமார் ரூ.1,000 அளவிற்கு மின் கட்டணம் கூடுதலாக செலுத்த நேரிடும்…!

Vignesh

Next Post

TRB முக்கிய தகவல்: மொத்தம் 1,060 காலி பணி இடங்கள்...! நேர்காணல் கிடையாது என தேர்வு வாரியம் அறிவிப்பு...!

Thu Jul 14 , 2022
பாலிடெக்னிக் கல்லூரிகளில் விரிவுரையாளர் பணிக்கு நேர்காணல் கிடையாது என ஆசிரியர் தேர்வு வாரியம் அறிவித்துள்ளது. இதுகுறித்து ஆசிரியர் தேர்வு வாரியத் தலைவர் லதா வெளியிட்டுள்ள செய்திக்குறிப்பில் கூறியதாவது; 2017-2018-ம் ஆண்டிற்கான அரசு பல்டெக்னிக் கல்லூரிகளில் 1,060 விரிவுரையாளர் காலிப்பணியிடங்களை நேரடி நியமனம் மூலம் பணித் தேர்வு செய்ய ஆசிரியர் தேர்வு வாரியம் அறிவிப்பு வெளியிட்டது. அதனைத் தொடர்ந்து விண்ணப்பம் செய்தவர்களுக்கு கம்ப்யூட்டர் மூலம் தேர்வு நடத்தப்பட்டது. அதன் முடிவுகள் 2022 […]

You May Like