இந்தியாவில் டிஜிட்டல் பரிவர்த்தனை கணிசமாக அதிகரித்துள்ளன.. இண்டர்நெட் பேங்கிங், மொபைல் பேங்கிங் மட்டுமின்றி, ஜி பே (G pay), போன் பே (Phonepe) ஆகியவை மூலம் பணம் செலுத்தும் யுபிஐ பரிவர்த்தனை முறை வேகமாக அதிகரித்து வருகிறது.. ஒரு சிறிய பெட்டி கடை முதல் பெரிய ஷாப்பிங் மால்கள் வரை அனைத்து இடங்களிலும் யுபிஐ முறையில் பணம் செலுத்தி வருகின்றனர்.. க்யூ.ஆர் கோடை ஸ்கேன் செய்வது அல்லது மொபைல் எண் மூலம் நேரடியாக பணம் செலுத்த முடியும்..
இந்நிலையில் இந்தியாவில் பிரபலமான டிஜிட்டல் பேமெண்ட் தளமான Paytm, UPI Lite என்ற புதிய அம்சத்தை அறிமுகப்படுத்தியுள்ளது.. இதன் மூலம் பயனர்கள் ஒவ்வொரு முறையும் PINஐ உள்ளிடாமல், சிறிய மதிப்புள்ள பரிவர்த்தனைகளைச் செய்ய அனுமதிக்கிறது. அதாவது UPI லைட் மூலம், பயனர்கள் Paytm மூலம் ஒரே கிளிக்கில் ரூ. 200 (தோராயமாக $3) வரை விரைவான மற்றும் தடையற்ற பரிவர்த்தனைகளைச் செய்யலாம். அவர்கள் UPI லைட் வாலட்டில் ஒரு நாளைக்கு இரண்டு முறை ரூ. 2,000 வரை சேர்த்துக் கொள்ளலாம், இதன் மூலம் மொத்த தினசரி உபயோகம் ரூ.4,000 ($54) வரை இருக்கும். UPI லைட் அம்சம் நாடு முழுவதும் டிஜிட்டல் பேமெண்ட்டுகளை ஏற்றுக்கொள்ளும் என்று எதிர்பார்க்கப்படுகிறது.
UPI லைட் மூலம், பயனர்கள் அதிக எண்ணிக்கையிலான சிறிய மதிப்புள்ள UPI கட்டணங்களை அதிவேக முறையில் மேற்கொள்ள முடியும். இந்த பரிவர்த்தனைகள் Paytm இருப்பு மற்றும் வரலாறு பிரிவில் மட்டுமே காண்பிக்கப்படும், வங்கி பாஸ்புக்கில் அந்த விவரங்கள் இருக்காது.. இந்த புதிய அம்சம் இந்தியா முழுவதிலும் உள்ள மக்களுக்கு, குறிப்பாக டிஜிட்டல் பணப்பரிவர்த்தனைக்கு புதிதாக வருபவர்களுக்கு டிஜிட்டல் பேமெண்ட்டுகளை எளிதாக அணுகக்கூடியதாக மாற்றும் என்று எதிர்பார்க்கப்படுகிறது.
