டிரைவர் இல்லாமல் சுயமாக இயங்கும் காரின் சோதனையோட்டத்தை வெற்றிகரமாக நடத்தியிருப்பதாக அமேசான் (Amazon) நிறுவனம் தகவல் வெளியிட்டுள்ளது.
பிரபல ஆன்லைன் வர்த்தக நிறுவனமான அமேசான், பல்வேறு தொழில்துறைகளில் தனது பங்களிப்பை வழங்கி வருகிறது. அந்தவகையில், அந்தநிறுவனம் தானாக இயங்கும் (செல்ஃப் டிரைவிங்) வாகன உற்பத்தியிலும் ஈடுபட்டு வருகின்றது. ஸுக்ஸ் (Zoox) எனும் யூனிட் வாயிலாகவே ஓட்டுநர் இல்லாமல் இயங்கும் வாகனங்களை அமேசான் தயாரித்து வருகின்றது.
இந்த காரை 2020 ஆம் ஆண்டில் முதன்முறையாக ஸூக்ஸ் காட்சிப்படுத்தியது. இதையடுத்து பல்வேறு கட்ட சோதனையில் ஈடுபட்டு வந்தநிலையில், தற்போது இந்த வாகனத்தின் சோதனையோட்டமே வெற்றிகரமாக செய்யப்பட்டிருப்பதாக நிறுவனம் தெரிவித்துள்ளது. அமேசான் நிறுவனத்தின் ஊழியர்களே பயணிகளாக பயன்படுத்தப்பட்டு சோதனை ஓட்டம் மேற்கொள்ளப்பட்டு இருக்கின்றது. டிரைவர் இல்லாமல் சுயமாக இயங்கும் ஸுக்ஸ் கார் பொதுவெளியில் இயங்குவது இதுவே முதல் முறை ஆகும். மேலும் ஒரே நேரத்தில் 4 பயணிகளை ஏற்றி செல்லும் வகையில் வடிவமைக்கப்பட்டுள்ல இந்த கார் மணிக்கு 56 கிமீ வேகத்தில் பயணிப்பதாக நிறுவனம் அறிவித்துள்ளது.