நகைச்சுவை நடிகர் யோகி பாபுவுக்கு பெண் குழந்தை பிறந்துள்ளது. திரைத்துறையினர் பலரும் அவருக்கு வாழ்த்து தெரிவித்து வருகின்றனர்.
தமிழ் சினிமாவில் நகைச்சுவை நடிகர், கதாநாயகன், குணச்சித்திர நடிகர் என அனைத்து கதாபாத்திரங்களிலும் கால்பதித்தவர் நடிகர் யோகிபாபு. இவருக்கும் மஞ்சு பார்கவி என்பவருக்கும் கடந்த 2020ஆம் ஆண்டு எளிமையான முறையில் திருமணம் நடைபெற்றது. கடந்த ஆண்டு யோகிபாபு-மஞ்சு பார்கவி தம்பதியருக்கு ஆண் குழந்தை ஒன்று பிறந்தது. சமீபத்தில், அந்த குழந்தையின் முதலாம் ஆண்டு பிறந்தநாளை அவர்கள் கோலாகலமாக கொண்டாடினர். இதன் புகைப்படங்களும் சமூக வலைதளத்தில் வைரலானது.
இந்நிலையில் தீபாவளித் திருநாளான இன்று யோகி பாபுவுக்கு 2-வதாக பெண் குழந்தை பிறந்துள்ளது. இதனையடுத்து, யோகி பாபுவுக்கு திரைத்துறையினர் மற்றும் ரசிகர்கள் வாழ்த்து தெரிவித்து வருகின்றனர்.
