”என்னை கேட்காமல் வரவு, செலவு கணக்குகளை மேற்கொள்ளக் கூடாது”..! வங்கிக்கு ஓபிஎஸ் கடிதம்

தன்னை மீறி அதிமுக வரவு, செலவு கணக்குகளை மேற்கொள்ளக் கூடாது என கரூர் வைஸ்யா வங்கிக்கு ஓ.பன்னீர்செல்வம் கடிதம் எழுதியுள்ளார்.

அதிமுகவின் இடைக்கால பொதுச்செயலாளராக எடப்பாடி பழனிசாமி பொதுக்குழுவில் தேர்ந்தெடுக்கப்பட்ட நிலையில், ஒருங்கிணைப்பாளராக இருந்த ஓ.பன்னீர்செல்வம் கட்சியில் இருந்து நீக்கப்பட்டார். முன்னதாக பொருளாளர் தாக்கல் செய்ய வேண்டிய வரவு, செலவு கணக்கை முன்னாள் அமைச்சர் விஜயபாஸ்கர் தாக்கல் செய்தார். பொதுக்குழு முடிவில் புதிய பொருளாளராக திண்டுக்கல் சீனிவாசன் தேர்ந்தெடுக்கப்பட்டார். இதற்கிடையே, எடப்பாடி பழனிசாமி, கே.பி.முனுசாமியை தான் கட்சியை விட்டு நீக்குவதாக ஓ.பன்னீர்செல்வம் அறிவித்தார். மேலும், எடப்பாடி பழனிசாமி இடைக்கால பொதுச்செயலாளராக தேர்வு செய்யப்பட்டது செல்லாது என்றும் ஓபிஎஸ் தரப்பில் தேர்தல் ஆணையத்தில் மனு அளிக்கப்பட்டுள்ளது.

அதிமுகவில் இருந்து ஓபிஎஸ் நீக்கம் - ஓபிஎஸ்-ன் 3 ஆதரவாளர்களையும் நீக்கி  பொதுக்குழுவில் சிறப்பு தீர்மானம் /OPanneerselvam removes from party Aiadmk  General Body ...

இந்நிலையில், அதிமுக கணக்கு வைத்துள்ள கரூர் வைஸ்யா வங்கிக்கு ஓ.பன்னீர்செல்வம் கடிதம் ஒன்றை எழுதியுள்ளார். அதில், ”இந்திய தேர்தல் ஆணைய சட்டத்தின் படி இன்று வரை நான்தான் ஒருங்கிணைப்பாளர், நான்தான் பொருளாளர். நீதிமன்றத்தில் வழக்குகள் இருக்கும் போது என்னைக் கேட்காமல் எந்தவித வரவு, செலவு கணக்குகளையும் மேற்கொள்ளக் கூடாது” என்று தெரிவித்துள்ளார். மேலும், தன்னை கேட்காமல் வரவு, செலவு கணக்கை மேற்கொண்டால் வங்கி மீது நடவடிக்கை எடுக்கப்படும் எனவும் அக்கடிதத்தில் குறிப்பிட்டுள்ளார்.

Chella

Next Post

மனைவியை சந்திக்க வீட்டிற்கு வந்த கள்ளக்காதலனை.. போட்டு தள்ளிய கணவன்...!

Tue Jul 12 , 2022
மதுரை மாவட்டம் மேலூர் அருகே உள்ள சொக்ககிழவன்பட்டியை வசித்து வருபவர் ஆண்டிக்காளை (40). டிராக்டர் டிரைவராக வேலை பார்த்து வருகிறார். இவரது மனைவி நெவ்வாயி. சிங்கம்புணரி கோட்டை வேங்கை பட்டியில் வசித்து வரும் இளையராஜாவுக்கும்(39), ஆண்டிக்காளையின் மனைவி நெவ்வாயிக்கும் கள்ளத்தொடர்பு இருந்துள்ளது. இந்தநிலையில் ஆண்டிக்காளையின் வீட்டில் நெவ்வாயியை ரகசியமாக இளையராஜா நேற்று காலை சந்தித்துள்ளார். அப்போது அதை பார்த்து ஆத்திரம் அடைந்த ஆண்டிக்காளை, அரிவாளால் இளையராஜாவை சரமாரியாக வெட்டியுள்ளார். இதில் […]

You May Like