ராஜஸ்தான் மாநிலம் ஜெய்சால்மரில் உள்ள தையத் பகுதியில் உள்ள ராணுவ நிலையம் அருகே இன்று ஓடும் தனியார் பேருந்தில் பெரும் தீ விபத்து ஏற்பட்டது.. இந்த விபத்தில் சுமார் 25 பேர் காயமடைந்தனர். பலர் உயிரிழந்திருக்கலாம் என அஞ்சப்படுகிறது.. இது தொடர்பான வீடியோ இணையத்தில் வைரலாகி வருகிறது.. அதில் ஓடும் பேருந்தில் இருந்து அடர்ந்த புகை கிளம்பியதை பார்க்க முடிகிறது.. இதனால் ஓட்டுநர் உடனடியாக பேருந்தை நிறுத்த வேண்டிய கட்டாயம் ஏற்பட்டது. பேருந்து தேசிய நெடுஞ்சாலையில் இருந்தபோது இந்த சம்பவம் நிகழ்ந்தது, இதனால் பல கிலோமீட்டர் தூரம் வாகனங்கள் வரிசையாக நின்றதால் பெரும் போக்குவரத்து நெரிசல் ஏற்பட்டது.
தீ விபத்து குறித்து தகவல் கிடைத்தவுடன், அருகில் நிறுத்தப்பட்டிருந்த தீயணைப்பு வீரர்கள் மற்றும் ராணுவ வீரர்கள் தீயைக் கட்டுப்படுத்தினர்.. அவர்களின் உடனடி நடவடிக்கை தீ மேலும் பரவாமல் தடுக்க உதவியது. இந்த சம்பவத்தில் பேருந்து முற்றிலும் எரிந்து நாசமானது. தீ விபத்துக்கான காரணம் இன்னும் கண்டறியப்படவில்லை.. சம்பவ இடத்தில் காவல்துறை அதிகாரிகள் உள்ளனர், மேலும் அந்தப் பகுதியை சுற்றி வளைத்துள்ளனர். இந்த விபத்து குறித்து போலீசார் விசாரணை மேற்கொண்டு வருகின்றனர்..
Read More : இந்தியாவில் பிரம்மாண்ட AI மையம்.. அமெரிக்காவுக்கு வெளியே மிகப்பெரிய முதலீடு இதுதான்.. கூகுள் அறிவிப்பு!
