மத்திய அரசின் புலனாய்வுப் பிரிவில் 10-ம் வகுப்பு படித்தவர்களுக்கு வேலைவாய்ப்பு அறிவிப்பு வெளியாகியுள்ளது. பொதுப் பிரிவில் பல்நோக்கு ஊழியர் (Multi Tasking Staff) பதவியில் மொத்தம் 362 காலிப்பணியிடங்கள் நிரப்பப்படுகிறது.
பணியிட விவரம்:
பல்நோக்கு பணியாளர் (MTS) – 362
வயது வரம்பு: 14.12.2025 தேதியின்படி, 18 முதல் 25 வயது வரை இருக்க வேண்டும். மத்திய அரசு விதிகளின்படி வயது வரம்பில் தளர்வுகள் உண்டு.
கல்வித்தகுதி: புலனாய்வுப் பிரிவு பல்நோக்கு பணியாளர் பதவிக்கு 10-ம் வகுப்பு தேர்ச்சி அல்லது நிகரான கல்வித்தகுதியை பெற்றிருக்க வேண்டும்.
சம்பளம்: தேர்வாகும் நபர்களுக்கு ரூ.18,000 முதல் ரூ.56,900 வரை சம்பளம் வழங்கப்படும். சிறப்பு பாதுகாப்பு தொகையாக அடிப்படை சம்பளத்தில் இருந்து 20 சதவீதம் வழங்கப்படும். மேலும் விடுமுறை நாட்களில் பணி செய்தால் அதற்கான தொகையும் வழங்கப்படும்.
தேர்வு செய்யப்படும் முறை: ஆட்சேர்ப்பு அறிவிப்பில் குறிப்பிடப்பட்டுள்ள இப்பணியிடங்களுக்கு மொத்தம் 2 கட்டத் தேர்வு நடைபெறும் என அதிகாரப்பூர்வ தகவல் வெளியிடப்பட்டுள்ளது.
முதல் கட்டத் தேர்வு – Objective Type
- பொது விழிப்புணர்வு, நுண்ணறிவு, லாஜிக்கல் ரீஸனிங், ஆங்கிலம்
- மொத்த மதிப்பெண் : 100
- காலம் : 1 மணி நேரம்
- நெகட்டிவ் மார்க்கிங் : 1/4
குறைந்தபட்ச தேர்ச்சி மதிப்பெண்கள்:
- பொது பிரிவு – 30
- OBC – 28
- SC / ST – 25
- EWS – 30
முதல் கட்டத் தேர்வில் நீங்கள் எடுத்த மதிப்பெண்களுக்கு ஒரு cut-off நிர்ணயிக்கப்படும். அந்த cut-off-ஐ தாண்டி மதிப்பெண் எடுத்தவர்கள் மட்டுமே இரண்டாம் கட்டத்தேர்வுக்கு செல்ல முடியும்.
இரண்டாம் கட்டத் தேர்வு – English Descriptive Test
- பாடம் : ஆங்கிலம்
- காலம் : 1 மணி நேரம்
- மதிப்பெண் : 50
- தகுதி மதிப்பெண் : 20
- ஆங்கிலத்தில் எழுதும் திறன், புரிதல் திறன் போன்றவை விரிவாக சோதிக்கப்படும்.
- இந்தத் தேர்வு தகுதித் தேர்வு (Qualifying) ஆகவே கணக்கிடப்படும்.
தேர்வு மையங்கள்: தமிழ்நாட்டின் முக்கிய 7 நகரங்களில் தேர்வு மையங்கள் அமைக்கப்படும்:
- சென்னை
- கோவை
- மதுரை
- சேலம்
- திருச்சி
- திருநெல்வேலி
- வேலூர்
எப்படி விண்ணப்பிப்பது? பல்நோக்கு பணியாளர் பதவிக்கு விண்ணப்பிக்க விரும்பும் நபர்கள் https://www.mha.gov.in/ என்ற இணையதளத்தில் ஆன்லைன் வழியாக விண்ணப்பிக்க வேண்டும்.
விண்ணப்பிக்க கடைசி நாள் : 14.12.2025
Read more: மீண்டும் ஆட்டத்தை தொடங்கிய செந்தில்பாலாஜி.. கொத்தாக திமுகவில் இணைந்த அதிமுக, தேமுதிகவினர்..!
