ஆகஸ்ட் 1 முதல் ஜப்பான், தென் கொரியா, பங்களாதேஷ் மற்றும் தாய்லாந்து உள்ளிட்ட 14 நாடுகள் மீது 40% வரை வரி விதிக்கப்படும் என்று அறிவித்துள்ள டிரம்ப், இந்தியா – அமெரிக்கா இடையே வர்த்தக ஒப்பந்தம் விரைவில் நடைபெறும் என்று சூசகமாக தெரிவித்துள்ளார். மியான்மர் மற்றும் லாவோஸ் மீது அதிகபட்சமாக 40% வரி விதிக்கப்பட்டுள்ளது. இந்த வரிகள் பற்றிய தகவல்களை டிரம்ப் தனது சமூக ஊடக தளமான ட்ரூத் சோஷியலில் தெரிவித்தார். இந்த முடிவு தொடர்பான அதிகாரப்பூர்வ கடிதங்கள் அனைத்து நாடுகளின் தலைவர்களுக்கும் அனுப்பப்பட்டுள்ளதாக அவர் கூறினார்.
இஸ்ரேல் அதிபர் பெஞ்சமின் நெதன்யாகுவுடன் நேற்று இரவு விருந்தில் அதிபர் டிரம்ப் கலந்துகொண்டார். இதன் பிறகு ஒரு பெரிய அறிவிப்பை வெளியிட்டுள்ளார். அதில், நாங்கள் இந்தியாவுடனான ஒப்பந்தத்திற்கு மிக நெருக்கமாக இருக்கிறோம்” என்று டிரம்ப் கூறினார். அமெரிக்கா ஏற்கனவே இங்கிலாந்து மற்றும் சீனாவுடன் வர்த்தக ஒப்பந்தங்களில் கையெழுத்திட்டுள்ளது என்றும் அவர் கூறினார்.
14 நாடுகளுக்கு அனுப்பப்பட்ட அதிகாரப்பூர்வ கடிதங்களில், பழிவாங்கும் நடவடிக்கையாக அமெரிக்கா மீது வரிகளை அதிகரித்தால், அமெரிக்காவும் அதே அளவு வரியைச் சேர்க்கும் என்று கடுமையான தொனியில் எச்சரித்துள்ளார். “எந்த காரணத்திற்காகவும் நீங்கள் உங்கள் வரிகளை அதிகரித்தால், நீங்கள் அதிகரித்த சதவீதத்திற்கு மேல் அதே அளவு வரியைச் சேர்ப்போம்” என்று அவர் தெளிவாக குறிப்பிட்டுள்ளார்
எந்தெந்த நாடுகளுக்கு எவ்வளவு வரி?
- மியான்மர் – 40%
- லாவோ மக்கள் ஜனநாயகக் குடியரசு (லாவோஸ்) – 40%
- கம்போடியா – 36%
- தாய்லாந்து – 36%
- பங்களாதேஷ் – 35%
- செர்பியா – 35%
- இந்தோனேசியா –
32% - தென்னாப்பிரிக்கா – 30%
9.போஸ்னியா மற்றும் ஹெர்சகோவினா – 30% - ஜப்பான் – 25%
- கஜகஸ்தான் – 25%
- மலேசியா – 25%
- தென் கொரியா – 25%
- துனிசியா – 25%
மேலும், அமெரிக்காவின் வர்த்தக விதிமுறைகளை ஏற்காத நாடுகள் விரைவில் புதிய வரிகளை எதிர்கொள்ள வேண்டியிருக்கும் என்றும் “சில நாடுகளுடன் நாங்கள் ஒரு நல்ல ஒப்பந்தத்தை எட்டியுள்ளோம். விரைவில் சிலவற்றுடன் ஒரு ஒப்பந்தத்தை எட்டுவோம், ஆனால் எங்கள் விதிமுறைகளை ஏற்காத நாடுகளுக்கு புதிய வரி அறிவிப்பை அனுப்புவோம்” என்று அவர் கூறினார். அமெரிக்காவின் வர்த்தக பற்றாக்குறையைக் குறைப்பதற்கும் நாட்டின் பொருளாதாரம் மற்றும் பாதுகாப்பை வலுப்படுத்துவதற்கும் இந்த வரிகள் அவசியம் என்று டிரம்ப் கூறினார்.
தற்போதைய வேறுபாடுகள் தீர்க்கப்பட்டால், நாளைக்கு (ஜூலை 9) இந்தியாவிற்கும் அமெரிக்காவிற்கும் இடையே ஒரு இடைக்கால வர்த்தக ஒப்பந்தம் அறிவிக்கப்படலாம் என்று வட்டாரங்கள் செய்தி நிறுவனமான PTI இடம் தெரிவித்தன. இரு நாடுகளும் இந்த ஆண்டு பிப்ரவரியில் இருதரப்பு வர்த்தக ஒப்பந்தம் (BTA) குறித்த விவாதங்களைத் தொடங்கின, முதல் கட்டத்தை செப்டம்பர்-அக்டோபர் மாதத்திற்குள் முடிக்கும் நோக்கத்துடன் உள்ளன. தற்போது, இறுதி ஒப்பந்தத்திற்கான பாதையை எளிதாக்கும் வகையில், இடைக்கால வர்த்தக ஒப்பந்தத்தை இறுதி செய்ய இரு நாடுகளும் தீவிரமாக முயற்சித்து வருகின்றன.
Readmore: BREAKING| கடலூரில் பள்ளி வேன் மீது ரயில் மோதி விபத்து..! மாணவர்களின் நிலை என்ன..?
