மாலி நாட்டில் துப்பாக்கி முனையில் 5 இந்தியர்கள் கடத்தப்பட்டுள்ளனர். ஒரு நிறுவனம் மற்றும் பாதுகாப்பு அமைப்பு இதை உறுதிப்படுத்தியதாக கூறப்பட்டுள்ளது. இந்த சம்பவம் மாலியின் மேற்குப் பகுதியில் உள்ள கொப்ரி (Kobri) என்ற இடத்தில் வியாழக்கிழமை நடந்தது. கடத்தப்பட்டவர்கள் மின்சார இணைப்பு (electrification) திட்டங்களில் பணிபுரிந்தவர்கள் என கூறப்படுகிறது.
கடத்தலுக்குப் பிறகு, அந்த நிறுவனத்தில் பணிபுரியும் மற்ற இந்திய பணியாளர்கள் மாலி தலைநகரமான பாமாகோ (Bamako)க்கு பாதுகாப்பாக இடமாற்றம் செய்யப்பட்டுள்ளனர். எனினும் இதுவரை, எந்தக் குழுமமும் கடத்தலுக்கு பொறுப்பை ஏற்றுக் கொள்ளவில்லை.
“நாங்கள் ஐந்து இந்திய குடிமக்கள் கடத்தப்பட்டுள்ளதை உறுதிப்படுத்துகிறோம்,” என்று அந்த நிறுவனத்தின் பிரதிநிதி தெரிவித்துள்ளார்.. மேலும் “நிறுவனத்தில் பணிபுரியும் மற்ற இந்தியர்கள் தலைநகரான பாமாகோவுக்கு இடமாற்றம் செய்யப்பட்டுள்ளனர்.” என்று தெரிவித்தார்..
மாலி நிலைமை
2021-ல் ஆட்சிக் கவிழ்ப்பின் அதிகாரத்தை கைப்பற்றிய இராணுவ அதிகாரிகளால் மாலி ஆட்சி நடத்தப்படுகின்றது. கடந்த ஒரு தசாப்தத்திற்கு மேல், இந்நாடு இஸ்லாமிக் ஸ்டேட் மற்றும் அல்காய்டா தொடர்புடைய கிளர்ச்சியாளர்கள் குழுக்களுடன் போராடி வருகிறது.
இந்தப் பாதுகாப்பு நிலைமையின் வீழ்ச்சி நாட்டின் பொருளாதார நெருக்கத்தை மேலும் தீவிரமாக்கியுள்ளது. மேலும், இஸ்லாம் மற்றும் முஸ்லிம்களுக்கு ஆதரவு குழு (JNIM) சார்ந்த அல்காய்டா குழுவினால் விதிக்கப்பட்ட கடுமையான எரிபொருள் தடையாலும் இது பாதிக்கப்பட்டுள்ளது.
இராணுவத் தலைமை பாதுகாப்பை மேம்படுத்துவதாக உறுதி செய்திருக்கும் போதிலும், JNIM நகர்ப்புறங்களைச் சுற்றியுள்ள பிரதேசங்களில் கட்டுப்பாட்டை பெருக்கிக் கொண்டு, தொடர்ந்து அடிக்கடி தாக்குதல்களை நடத்தி வருகிறது.
மாலியில் கடத்தல் பிரச்சினை
அமெரிக்காவின் நெருக்கடி கண்காணிப்பு குழு Armed Conflict Location & Event Data (ACLED) கூறுகிறது, JNIM மேற்குக் ஆப்பிரிக்காவில் தங்கள் செயல்பாடுகளுக்கான நிதியை திரட்ட வெளிநாட்டு குடிமக்களை இலக்காகக் கொண்ட பரபரப்பான கடத்தல் நடவடிக்கைகளை முன்னெடுத்து வருகிறது.
ACLED தரவுகள் படி, மத்திய சாஹேல் பகுதியில் வருடத்திற்கு சராசரியாக இரண்டு முதல் நான்கு வெளிநாட்டு குடிமக்கள் கடத்தப்படுவதாக பதிவு செய்யப்பட்டுள்ளது.
Islamic State-இன் சார்பு பயங்கரவாதிகள் இந்த ஆண்டு ஜனவரியில் பூர்கினா பாஸோவிலிருந்து நைஜர் சென்றபோது காணாமல் போன 4 மோரோக்கோ லாரி ஓட்டுநர்களை ஆகஸ்டில் விடுதலை செய்தனர் என்பது குறிப்பிடத்தக்கது.
