விஜய் டிவியில் ஒளிபரப்பாகும் பிக்பாஸ் நிகழ்ச்சி 65 நாட்களை கடந்து சென்று கொண்டிருக்கும் நிலையில், தற்போதுதான் கொஞ்சம் கொஞ்சமாக சூடுபிடிக்க ஆரம்பித்துள்ளது. இதுவரை பிக்பாஸ் வீட்டில் பெரிய அளவில் பார்வையாளர்களை கவராத போட்டியாளர்கள் அனைவரும் ஒவ்வொருவராக வெளியேறிவிட்டனர். அதில் சில எதிர்பாராத எலிமினேஷன் நடைபெற்றிருந்தாலும் தற்போது இருக்கும் போட்டியாளர்கள் அனைவரும் கடுமையான போட்டியாளர்களாக இருக்கின்றனர். அந்த வகையில், இந்த பிக்பாஸ் டைட்டிலை தட்டி செல்லக்கூடிய தகுதி விக்ரமன், அசீம் உள்ளிட்ட வெகு சிலருக்கு மட்டுமே இருப்பதாக ரசிகர்கள் தெரிவித்து வருகின்றனர்.
இந்நிலையில், இந்த சீசனின் வெற்றியாளர் இவர்தான் என்று கடந்த வாரம் பிக்பாஸ் வீட்டை விட்டு வெளியேறிய ஆயிஷா கூறியிருக்கிறார். தற்போது சோஷியல் மீடியா சேனல்களுக்கு பேட்டி கொடுத்து வரும் ஆயிஷா, இந்த பிக்பாஸ் டைட்டிலை ஷிவின் தான் நிச்சயம் கைப்பற்றுவார் என்று குறிப்பிட்டுள்ளார். அதாவது பிக்பாஸ் வீட்டில் இருப்பவர்களிலேயே ஷிவின் தன்னுடைய விளையாட்டை மிகவும் நேர்த்தியாகவும் கவனமாகவும் விளையாடிக் கொண்டிருக்கிறார். மற்றவர்களை ஏறி மிதித்து தன்னுடைய விளையாட்டை அவர் விளையாடியதில்லை. தன்னுடைய கருத்தை நேர்த்தியாகவும் கவனமாகவும் முன்வைப்பார் என்றும் ஆயிஷா தெரிவித்துள்ளார்.
ஒருவகையில் அவர் கூறியது முற்றிலும் உண்மையே. ஏனென்றால் பிக்பாஸ் வீட்டில் ஷிவின் மற்றவர்களுடன் வாக்குவாதத்தில் ஈடுபட்டாலும் பப்ளிசிட்டிக்காக ஒருபோதும் அவர் யாரிடமும் தேவையில்லாமல் சண்டை போட்டது கிடையாது. ப்ரோமோவில் வரவேண்டும் என்பதற்காகவே தனலட்சுமி, அசீம் உள்ளிட்ட சிலர் தேவையில்லாமல் சண்டை போட்டு ஆண்டவரிடம் திட்டும் வாங்கி இருக்கின்றனர். அப்படி இருக்கும்போது ஷிவின் மட்டும் பிக்பாஸ் வீட்டில் தன்னுடைய விளையாட்டை நேர்மையாக விளையாடி கொண்டிருக்கிறார் என ரசிகர்கள் பாராட்டி வருகின்றனர். அந்த வகையில், இந்த பிக்பாஸ் டைட்டிலை தட்டிச்செல்லும் அனைத்து தகுதியும் அவருக்கு இருக்கிறது. அப்படி ஒன்று நிகழ்ந்து விட்டால் பிக்பாஸ் வரலாற்றிலேயே இது தரமான சம்பவமாக இருக்கும் என்பதில் சந்தேகம் இல்லை.
