சமீபகாலமாக பாஜகவில் ஏற்பட்டுள்ள உட்கட்சி பூசல் காரணமாக அந்த கட்சியிலிருந்து விலகி மற்ற கட்சிகளில் அதுவும் குறிப்பாக அதிமுகவில் பல பாஜக நிர்வாகிகள் இணைந்து வருகின்றனர். இந்த வரிசையில் சமீபத்தில் பாஜகவில் முக்கிய பொறுப்பில் இருந்த ஐடி விங் நிர்மல் குமார் மற்றும் பாஜக நிர்வாகி திலீப் கண்ணனும் அதிமுகவில் இணைந்து உள்ளார். பாஜகவில் இத்தகைய சூழ்நிலை வருவதற்கு முக்கிய காரணமே பாஜக தலைவர் அண்ணாமலையின் செயல்பாடுகள் தான் என விலகியவர்கள் பலர் குற்றம்சாட்டியுள்ளனர்.
இந்நிலையில், தற்போது நடிகையும், நடன இயக்நருமான காயத்ரி ரகுராம், பாஜக தலைவர் அண்ணாமலையின் பேச்சு குறித்து கடுமையான விமர்சனங்களை தனது ட்விட்டரில் பதிவிட்டுள்ளார். அதில் ‘அண்ணாமலை நீங்கள் யாரையும் Manager- ஆகவோ அல்லது தலைவராகவோ ஆக்கத் தேவையில்லை. உனக்கு ஜல்ட்ரா அடிக்க யாரேனும் தலைவராக உருவாக்க தேவை இல்லை. முதலில் சென்று சாவடி வேலை, களப்பணி, தமிழகத்தின் அடிமட்டத்தை அடையுங்கள். டெல்லி அனுமதியோ ஆர்எஸ்எஸ் அனுமதியோ இல்லாமல் கழுதையை கூட நியமிக்க முடியாது. டெல்லி ஆதரவு இல்லாமல் கூட்டணி பேச முடியாது. டெல்லி உங்களைப் பார்த்து பயப்படுவது போல் பேசுவது, தமிழ் செய்தி சேனல்களில் நீங்கள் டெல்லியை பார்த்து பயப்படாமல் தமிழில் பின்னால் பேசுவது போல், ஆங்கிலத்திலோ இந்தியிலோ தேசிய செய்தி சேனல்களில் நீங்கள் அதே விஷயம் பேசுவதற்கு தைரியம் இருக்கிறதா?
20-30 ஆண்டுகளாக கட்சியில் பணியாற்றியவர்களை உங்கள் சேறு என்று கருத்து சொல்வது முட்டாள்தனமான விஷயம். மோடி ஜி மற்றும் அமித்ஷா ஜி மற்றும் பி.எல்.சந்தோஷ் ஜி 30 ஆண்டுகளாக சேவை செய்து வருகிறார்கள். அவர்களை ஒரு சேறு என்று அழைக்க உங்களுக்கு தைரியம் இருக்கிறதா? தமிழ்நாடு, தேசம் மற்றும் பாஜக கட்சிக்கு நீங்கள் ஒரு பெரிய நகைச்சுவை” என்றும் அந்த பதிவில் குறிப்பிட்டுள்ளார்.
