சென்னையில் தங்கம் விலை சவரனுக்கு ரூ.200 உயர்ந்து ரூ.44,720க்கு விற்பனையாகிறது..
உக்ரைன் – ரஷ்யா போர் உள்ளிட்ட பல காரணங்களால் சர்வதேச அளவில் பொருளாதார அச்சுறுத்தல்கள் ஏற்பட்டுள்ளது.. கச்சா எண்ணெய், தங்கம் ஆகியவற்றின் விலை உயர்ந்து கொண்டே வருகிறது.. பங்குச்சந்தைகள் சரிந்து வருகின்றன.. பாதுகாப்பு கருதி பல முதலீட்டாளர்கள் பங்குச்சந்தையில் இருந்து பணத்தை எடுத்து தங்கத்தில் முதலீடு செய்து வருகின்றனர்.. இதனால் தங்கத்தின் தேவை அதிகரித்துள்ளது.. இந்த நிலையில் அமெரிக்காவில் 2 வங்கிகள் திவாலானதை அடுத்து பாதுகாப்பு கருதி, முதலீட்டாளர்கள் தங்கத்தில் முதலீடு செய்து வருகின்றனர்.. இதனால் தங்கம் விலை கிடுகிடுவென உயர்ந்து வருகிறது..
இந்த நிலையில் இன்று தங்கம் விலை மீண்டும் உயர்ந்துள்ளது.. சென்னையில் 22 கேரட் ஆபரணத் தங்கத்தின் விலை ஒரு கிராமுக்கு ரூ.25 உயர்ந்து ரூ.5,565க்கு விற்பனை செய்யப்படுகிறது.. இதனால் சவரனுக்கு ரூ.200 உயர்ந்து ரூ.44,720க்கு விற்பனையாகிறது.. இதே போல் வெள்ளியின் விலையும் இன்று அதிகரித்துள்ளது.. ஒரு கிராம் வெள்ளியின் விலை ரூ. 1.30 காசுகள் அதிகரித்து ரூ.77.50க்கு விற்பனை செய்யப்படுகிறது.. இதனால் ஒரு கிலோ வெள்ளி ரூ.77,500க்கு விற்பனையாகிறது.
மார்ச் 20ல் ஒரு சவரன் தங்கம் விலை, ரூ.44,640 ஆக இருந்த நிலையில் இன்று புதிய உச்சமாக ரூ.44,720-க்கு விற்பனை செய்யப்படுகிறது. நாளை முதல் தங்க நகைகளுக்கு ஹால்மார்க் அடையாள எண் கட்டாயம் என்ற அறிவிப்பின் எதிரொலியாக தங்கம் விலை உயர்ந்துள்ளதாக கூறப்படுகிறது..
