இங்கிலாந்து அரசின் கவனத்தை ஈர்க்கவும், விழிப்புணர்வை ஏற்படுத்தவும் நூடுல்ஸ் மூலம் சாலைகளில் உள்ள குழிகளை மூடிவரும் நபரின் வீடியோ சமூகவலைதளங்களில் வைரலாகி வருகிறது.
இங்கிலாந்து நாட்டை சேர்ந்த ஓய்வு பெற்ற அதிகாரி மார்க் மோரல். இவர் அவ்வப்போது விழிப்புணர்வை ஏற்படுத்தும் விதமாக பல நல்ல பதிவுகளை தனது சமூகவலைத்தளபக்கங்களில் வெளியிட்டு பலரது
கவனத்தையும் பெற்றவர். அந்த வகையில், அவரது நகரத்தின் தெருக்கள் குழிகள் நிறைந்த சாலைகளாக இருப்பதை பார்த்த அவர், இந்த பிரச்சினைக்கு ஒரு தீர்வைக் கண்டுபிடிக்க பல முயற்சிகளை மேற்கொண்டுள்ளார்.
சமூக ஊடகங்களில் Mr Pothole என்று அழைக்கப்படும் மார்க் மோரல், பள்ளங்களில் ரப்பர் வாத்துகளை வைத்து , ஓட்டைகளுக்கு பிறந்தநாள் கேக்குகளை வழங்குவது போல ஒரு விஷயத்தை செய்யலாம் என முடிவு செய்தார். ஆனால் அந்த திட்டம் தோல்வியில் முடியவே, இந்த விஷயத்தை புதிய விதத்தில் கையாள முடிவு செய்து பயங்கரமான குழிகளை கொண்டு அந்த ஓட்டைகள் எவ்வளவு மோசமாக உள்ளன என்பதைக் காட்ட, சேதமடைந்த சாலைகளில் தனது மதிய உணவை சமைக்க முடிவு செய்தார்.
அதன்படி ஒரு நூடுல் பிராண்டுடன் இணைந்து பள்ள குழிகளில் சமைப்பது போன்ற விஷயத்தை தொடர்ந்து செய்து வரும் அவர், தற்போது பலரது கவனத்தையும் ஈர்த்துள்ளார். மேலும் சமூக ஊடகங்களில் இவரது பதிவுகள் வைரலாகி வருவதனால் கூடிய விரைவில் நல்ல தீர்வு வரும் என இங்கிலாந்துவாசிகள் எதிர்பார்க்கின்றனர். சமீபத்திய வரவுசெலவுத் திட்டத்தில் UK அரசு சாலைகளை சரிசெய்ய £200 மில்லியன் மட்டுமே ஒதுக்கியுள்ள நிலையில், முழுமையான தீர்வு பெற சுமார் £14 பில்லியன் செலவாகும் என்று ஆய்வுகள் தெரிவிக்கின்றன.