ரஜினிகாந்த் தற்போது நெல்சன் இயக்கும் ஜெயிலர் படத்தில் நடித்து வருகிறார்.. சன்பிக்சர்ஸ் தயாரிக்கும் இப்படத்திற்கு அனிருத் இசையமைக்க உள்ளார்.. இப்படத்தில் ரம்யா கிருஷ்ணன், தமன்னா, யோகி பாபு உள்ளிட்டோர் நடித்து வருகின்றனர். ஜெயிலர் படத்தின் படப்பிடிப்பு விரைவில் முடிவடைய உள்ளது.. எனினும் இப்படம் எப்போது வெளியாகும் என்று அதிகாரப்பூர்வமாக அறிவிக்கப்படவில்லை..
இதை தொடர்ந்து ரஜினியின் 170வது படத்தை யார் இயக்குவார் என்ற எதிர்பார்ப்பு ரசிகர்களிடையே அதிகரித்தது.. இந்த சூழலில் தலைவர் 170 படம் குறித்த அதிகாரப்பூர்வ அறிவிப்பை லைகா நிறுவனம் வெளியிட்டது.. விமர்சன ரீதியாக மிகப்பெரிய வரவேற்பை பெற்ற ஜெய்பீம் படத்தை இயக்கிய த.செ. ஞானவேல் ரஜினியின் 170-வது படத்தை இயக்க உள்ளதாகவும், அனிருத் இப்படத்திற்கு இசையமைக்க உள்ளதாகவும் லைகா அறிவித்தது.. இப்படம் 2024 ஆண்டு வெளியாகும் என்றும் அறிவிக்கப்பட்டுள்ளது..
இந்த நிலையில் நடிகர் ரஜினிகாந்த்தின் அடுத்த படம் குறித்து தகவல் வெளியாகியுள்ளது. தலைவர் 171 என அழைக்கப்படும் இந்தப் படத்தை லோகேஷ் கனகராஜ் இயக்க உள்ளதாக கூறப்படுகிறது. விரைவில் இந்தப் படத்தின் அறிவிப்பு வெளியாகும் என்று எதிர்பார்க்கப்படுகிறது.
லோகேஷ் கனகராஜ் தற்போது லியோ படத்தின் பணிகளில் பிசியாக இருக்கிறார்.. இப்படத்தின் பணிகளை முடித்துவிட்டு தலைவர் 171 படத்தின் பணிகளை தொடங்க திட்டமிட்டுள்ளாராம்.. மேலும் ரஜினிகாந்த் படத்தை முடித்த பிறகே கைதி 2 படத்தின் பணிகள் தொடங்கப்படும் என்று தகவல்கள் தெரிவிக்கின்றன..
