கடந்த சில நாட்களாக வெங்காயத்தின் விலை கடும் சரிவை சந்தித்து வரும் நிலையில் தமிழ்நாட்டில் ஒரு கிலோ வெங்காயம் ரூ 10 முதல் 16 ரூபாய் வரையில் கிடைக்கிறது.
இந்தியாவில் சில நாட்களாக வெங்காயத்தின் விலை கிடுகிடுவென உயர்ந்து வரும் நிலையில், மற்ற நேரங்களில் வெங்காயத்தின் விலை மிகவும் குறைவாகவே இருக்கும். இந்த நிலையில் கடந்த சில தினங்களாக வெங்காயத்தின் விலை கடும் சரிவை சந்தித்து வருகிறது. மத்தியப் பிரதேசத்தின் ரத்லம், இந்தூர் மற்றும் மந்த்சூர் மாவட்டங்கள் வெங்காய சாகுபடிக்கு பெயர் பெற்றவை. நான்கு மாதங்களுக்கு முன், நவம்பர் – டிசம்பரில், வெங்காயத்தின் விலை, சந்தைகளில், கிலோ, 200 ரூபாயை எட்டியது. ஆனால் தற்போது, மந்த்சூர் மாவட்டத்தில் வெங்காயத்தின் விலை ஒரு கிலோ ரூ.50 பைசா முதல் 80 பைசா வை கிடைக்கிறது. மண்டிகள் மூடப்பட்டதால், கொள்முதல் இன்னும் சரியாக தொடங்கவில்லை, அது தொடங்கிய இடங்களில், விவசாயிகளுக்கு கணிசமாக குறைந்த விலை கிடைக்கிறது. இதேபோல், தமிழ்நாட்டில் ஒரு கிலோ வெங்காயம் ரூ 10 முதல் 16 ரூபாய் வரையில் கிடைக்கிறது. இது நுகர்வோருக்கு மகிழ்ச்சி தரும் விஷயமாக இருந்தாலும் விவசாயிகள் கடும் வேதனை அடைந்துள்ளனர்.
