ரூபே கிரெடிட் கார்டு மூலம் யூபிஐ பரிவர்த்தனை வசதியை யெஸ் பேங்க் அறிமுகம் செய்துள்ளது.
டிஜிட்டல் பணப்பரிவர்த்தனைகளை அடுத்த நிலைக்கு எடுத்துச் செல்ல வசதியாக யெஸ் வங்கி சார்பாக ரூபே கிரெடிட் கார்டு மூலம் UPI கட்டண சேவையை அறிமுகப்படுத்தியுள்ளது. இதன் மூலம் வாடிக்கையாளர்கள் இனி தங்கள் யெஸ் பேங்க் ரூபே கிரெடிட் கார்டை BHIM, PhonePe, Paytm, Google Pay, Slice, MobiKwik மற்றும் PayZapp போன்ற UPI செயலிகளுடன் இணைக்கலாம். அவ்வாறு இணைக்கப்பட்டவுடன், வாடிக்கையாளர்கள் கூடுதல் பாதுகாப்புடன் கிரெடிட் கார்டு அடிப்படையிலான பரிவர்த்தனைகளைச் செய்ய முடியும்.
இந்த வசதியின் மூலம் வாடிக்கையாளர்கள் ‘கிரெடிட்-ஃப்ரீ’ கால அம்சத்தைப் பெறலாம். இது முன்னர் POS/eCom அடிப்படையிலான பரிவர்த்தனைகளுக்கு மட்டுமே இருந்தது. மேலும் டிஜிட்டல் பேமெண்ட்டுகளின் வசதியையும் இது மேம்படுத்துகிறது. ரூபே கிரெடிட் கார்டு இல்லாத யெஸ் பேங்க் கிரெடிட் கார்டு வாடிக்கையாளர்கள் விர்ச்சுவல் யெஸ் பேங்க் ரூபே கிரெடிட் கார்டைப் பெற்று அதை தங்களுடைய தற்போதைய UPI செயலியுடன் இணைக்கலாம்.
இதுகுறித்து யெஸ் பேங்க் செயல் இயக்குநர் ராஜன் பென்டல் கூறுகையில், “நாட்டிலுள்ள அனைத்து UPI வணிகப் பரிவர்த்தனைகளில் 40 சதவீதப் பங்களிப்பை யெஸ் வங்கி வழங்குகிறது. எங்களின் டிஜிட்டல் திறமையைக் கருத்தில் கொண்டு, பல ஆண்டுகளாக டிஜிட்டல் பரிவர்த்தனைகளுக்கு அதிகாரம் அளிக்கக்கூடிய திறன்களை நாங்கள் உருவாக்கியுள்ளோம். இதன் மூலம் மில்லியன் கணக்கான வாடிக்கையாளர்களின் வாழ்க்கையை மேம்படுத்தியுள்ளோம்.
RuPay கிரெடிட் கார்டில் UPI வசதியை இயக்குவது வாடிக்கையாளருக்கு பல நன்மைகளை வழங்கும். மேலும் UPI பிளாட்ஃபார்மில் கிடைக்கும் மில்லியன் கணக்கான வணிகர்களிடையே பணம் செலுத்தும் தன்மையை அதிகரிக்கும். அத்துடன் கிரெடிட் கார்டின் பலன்களையும் அதிகரிக்கும்” என்று தெரிவித்துள்ளார்.
