கடந்த 75 ஆண்டுகளாக பயணிகளுக்கு இந்த ரயில் இலவசமாக சேவை செய்து வருகிறது. இதுகுறித்து தற்போது பார்க்கலாம்..
இந்தியாவின் மிகப்பெரிய போக்குவரத்து நெட்வொர்க்காக இந்திய ரயில்வே உள்ளது. லட்சக்கணக்கான பயணிகள் தினமும் ரயில் பயணம் மேற்கொள்கின்றனர். ரயில் டிக்கெட் விலை குறைவு, வசதியான பயணம் உள்ளிட்ட காரணங்களால் பலரும் ரயில் பயணங்களையே அதிகம் விரும்புகின்றனர். ஆனால் டிக்கெட் இருந்தால் மட்டுமே ரயிலில் பயணிக்க முடியும்..
ரயிலில் செல்லுபடியாகும் டிக்கெட் இல்லாமல் பயணித்தால், பயணிகள் அபராதம் விதிக்கப்படும். இந்திய ரயில்வே தினமும் ஆயிரக்கணக்கான ரயில்களை இயக்கி வருகிறது.. ரயிலின் பெட்டிகளுக்கு ஏற்ப டிக்கெட் நிர்ணயிக்கப்படுகிறது. ஆனால், எந்த டிக்கெட் கட்டணமும் வசூலிக்காத ஒரு ரயில் உள்ளது என்று உங்களுக்கு தெரியுமா?
கடந்த 75 ஆண்டுகளாக பயணிகளுக்கு இந்த ரயில் இலவசமாக சேவை செய்து வருகிறது. பயணிகள் இந்த ரயிலில் டிக்கெட் இல்லாமல் வசதியாக பயணிக்கலாம், மேலும் அபராதமும் விதிக்கப்படாது. அது வேறு எதுவும் இல்லை பக்ரா-நங்கல் ரயில் தான்..
பக்ரா நங்கல் ரயில் என்பது இந்தியாவில் 70 ஆண்டுகளாக பயணிகளுக்கு எந்த கட்டணமும் இல்லாமல் சேவை செய்து வரும் ஒரு தனித்துவமான ரயில் ஆகும். இலவச பயணத்தை வழங்கும் நாட்டில் உள்ள ஒரே ரயில் இது தான். ஐந்து மாநிலங்களில் உள்ள லட்சக்கணக்கான வீடுகளுக்கு மின்சாரம் கொண்டு வந்த பக்ரா நங்கல் அணை கட்டுமானத்தின் போது தொழிலாளர்கள் பொருட்களை கொண்டு செல்ல முதன்மையாக உதவுவதற்காக இது ஆரம்பத்தில் கட்டப்பட்டது. இப்போது, பஞ்சாபில் உள்ள நங்கல் மற்றும் இமாச்சலப் பிரதேசத்தில் உள்ள பக்ராவை இணைக்கும் 13 கிலோமீட்டர் பாதையில் இது இயக்கப்படுகிறது.
பக்ரா-நங்கல் ரயில், நங்கலில் இருந்து காலை 7:05 மணிக்கும் பிற்பகல் 3:05 மணிக்கும் புறப்பட்டு, அழகிய சிவாலிக் மலைகள் வழியாக 27.3 கி.மீ தூரத்தை 30 நிமிடங்களில் கடக்கிறது.. இந்த பயணத்தின் போது, பயணிகள் இயற்கை காட்சிகளை கண்டு ரசிக்க முடியும். இது இரண்டு குதிரை லாடம் வடிவ சுரங்கப்பாதைகள் வழியாக தினமும் இரண்டு முறை ஓடுகிறது. 158.5 மீட்டர் உயரமுள்ள ரயில்-மற்றும்-சாலை பாலத்தைக் கடந்து, பக்ரா அணையை அடைகிறது. உள்ளூர் கிராமவாசிகள் மற்றும் பள்ளி குழந்தைகள் உட்பட கிட்டத்தட்ட 100-120 பயணிகள் இந்த ரயிலில் தினமும் பயணம் செய்கிறார்கள்.
இந்த தனித்துவமான ரயில் பீம் வடிவ பெஞ்சுகளுடன் கூடிய மரப் பெட்டிகளைக் கொண்டுள்ளது. முதலில் கராச்சியில் வடிவமைக்கப்பட்ட இது, மறுபயன்பாட்டு காலனித்துவ தளபாடங்களைப் பயன்படுத்தி உருவாக்கப்பட்டது. அமெரிக்காவில் தயாரிக்கப்பட்ட டீசல் இயந்திரம் 400 குதிரைத்திறன் கொண்ட ரயிலுக்கு சக்தி அளிக்கிறது. ரயில் ஆபரேட்டர் 3 என்ஜின்களை மாற்றுப் பணியை செய்கிறார். இந்த என்ஜின்கள், 9-10 பெட்டிகளை இழுக்கும் திறன் கொண்டது. 75 ஆண்டுகளாக, இந்த ரயில் உள்ளூர்வாசிகளுக்கும், பள்ளி குழந்தைகளுக்கும் விருப்பமான தினசரி பயணமாக இருந்து வருகிறது என்பது குறிப்பிடத்தக்கது.
Read More : தாஜ்மஹாலின் 22 பூட்டிய அறைகளில் என்ன மறைக்கப்பட்டுள்ளது ? பல ஆண்டுகளாக தொடரும் மர்மம்..
