வெளிநாட்டு நாணய வைப்புகளில் பணத்தை வைப்பதைத் தடுக்கும் நோக்கில், இந்தியர்கள் வெளிநாடுகளுக்கு பணம் அனுப்புவது தொடர்பான விதிகளை கடுமையாக்க ரிசர்வ் வங்கி (RBI) தயாராகி வருவதாக ராய்ட்டர்ஸ் செய்தி வெளியிட்டுள்ளது.
Liberalised Remittance Scheme (LRS) என்ற திட்டத்தின் கீழ் ஆண்டின் முடிவில் ஏற்படும் அதிகளவான வெளிநாட்டு நாணய அனுப்புதல்களை கட்டுப்படுத்த புதிய கட்டுப்பாடுகளை கொண்டு வர ரிசர்வ் வங்கி திட்டமிட்டுள்ளது. அதாவது, வெளிநாட்டு நாணயத்தில் லாக்-இன் காலத்துடன் கூடிய டெபாசிட்களுக்காக இந்தியர்கள் பணம் அனுப்புவதைத் தடுக்கும் வகையில் LRS திட்டத்தை ரிசர்வ் வங்கி திருத்த இருக்கிறது. அதன்படி, வெளிநாடுகளுக்கு அனுப்பப்படும் நிதியை நிலையான வைப்புத்தொகை அல்லது பிற வட்டி ஈட்டும் கணக்குகளுக்குப் பயன்படுத்துவதைத் தடுக்க, தாராளமயமாக்கப்பட்ட பணம் அனுப்பும் திட்டத்தை (LRS) திருத்த மத்திய வங்கி திட்டமிட்டுள்ளது.
“இது செயலற்ற செல்வ மாற்றத்தைப் போன்றது. இந்தியா இன்னும் முழுமையாக திறந்த மூலதனக் கணக்குப் பொருளாதாரம் அல்லாத நிலையில் இது ரிசர்வ் வங்கிக்கு எச்சரிக்கை அடையாளமாக இருக்கிறது,” என்று அதிகாரிகள் வட்டாரம் ராய்ட்டர்ஸிடம் தெரிவித்துள்ளது.வளர்ந்து வரும் வெளிப்புற பணம் அனுப்புதல் மற்றும் முழு மூலதனக் கணக்கு மாற்றத்தை நோக்கிய இந்தியாவின் எச்சரிக்கையான அணுகுமுறை குறித்த கவலைகள் அதிகரித்து வரும் நிலையில் இந்த நடவடிக்கை எடுக்கப்பட்டுள்ளது.
LRS திட்டத்தின் வழியாக சில தனிநபர்கள் வெளிநாடுகளுக்கு பணத்தை அமைதியாக நகர்த்தக்கூடும் என்றும், இது அந்நியச் செலாவணி இருப்புகளைப் பாதிக்கும் என்றும் நாணய ஏற்ற இறக்கத்தை அதிகரிக்கும் என்றும் RBI அதிகாரிகள் கவலை தெரிவித்துள்ளனர்.
தற்போது, LRS என்ற திட்டத்தின் கீழ், கல்வி, பயணம், வெளிநாட்டு பங்குகள் அல்லது பத்திரங்களில் முதலீடுகள் மற்றும் மருத்துவ சிகிச்சை போன்ற நோக்கங்களுக்காக ஒரு நிதியாண்டில் வெளிநாடுகளுக்கு 250,000 டாலர் வரை அனுப்ப இந்தியர்களை அனுமதிக்கிறது. வெவ்வேறு பெயர்களில் அல்லது மறைமுக வழிகள் மூலம் அத்தகைய டெபாசிட்களை செய்ய அனுமதிக்கும் எந்தவொரு சலுகைகளும் இருக்கக்கூடாது என்று ரிசர்வ் வங்கி விரும்புவதாக வட்டாரங்கள் தெரிவித்தன. மேலும், “செயலற்ற மூலதன ஏற்றுமதிக்கு இந்தத் திட்டத்தை தவறாகப் பயன்படுத்துவது அதிகரித்து வருவதை தடுக்கும் வகையில் இந்த நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.
இந்த பரிந்துரைக்கப்பட்ட மாற்றம், வெளிநாட்டு பண அனுப்புதல்களைச் சுற்றிய சட்டப் பரிமாணங்களை எளிதாக்கவும் வலுப்படுத்தவும் செய்யும் பரபரப்பான முயற்சியின் ஒரு பகுதியாகும். முன்னதாக, ரிசர்வ் வங்கி அதன் சமீபத்திய வருடாந்த அறிக்கையில் இதை முன்னுரிமையாக எடுத்துக்காட்டியது குறிப்பிடத்தக்கது.
மத்திய வங்கியின் தரவுகளின்படி, இந்தியாவில் வசிக்கும் நபர்களால் வெளிநாட்டு நாணய டெபாசிட்கள் பிப்ரவரி 2025-ல் $51.62 மில்லியனில் இருந்தது, மார்ச் 2025-ல் $173.2 மில்லியனாக திடீரென அதிகரித்துள்ளது. மார்ச் மாதம் வழக்கமாக பணஅனுப்புதலில் உயர்வு காணப்படுகிறது, ஏனெனில் மக்கள் தங்கள் ஆண்டு வரம்புகளை முழுமையாக பயன்படுத்த முயற்சிப்பதுடன், நிதியாண்டு முடிவுக்கு முன் வரி திட்டமிடுதலைச் செய்கிறார்கள் என்று நிபுணர்கள் கூறுகின்றனர்.
நிதியாண்டு 2025-ல் வெளிநாட்டு பண அனுப்புதல்கள் மொத்தமாக சற்றே குறைந்து, நிதியாண்டு 2024-ல் $31 பில்லியனில் இருந்து $30 பில்லியனுக்கு கீழே இறங்கினாலும், இது வரலாற்றில் இன்னும் மிக உயர்ந்த அளவாகவே உள்ளது. வெளிநாட்டில் வைக்கப்பட்டுள்ள நிலையான டெபாசிட்களின் (fixed deposits) சரியான தொகை இதுவரை தெரியவில்லை, ஆனால் அதிகாரிகள் இந்த பரிந்துரைக்கப்பட்ட நடவடிக்கையை preventative என விவரித்துள்ளனர்.
சமீப ஆண்டுகளில், ஃபின்டெக் செயலிகள் மற்றும் தனியார் வங்கிகளின் ஆதரவால் இந்தியர்கள் உலகளாவிய முதலீடுகளை எளிதாக செய்யத் தொடங்கினர், இதனால் வெளிநாட்டு பண அனுப்புதல்கள் நிலையான முறையில் அதிகரித்துள்ளன. “இது, இந்தியாவின் மூலதனக் கணக்கு மாற்றத்திற்கு எடுத்து வரும் நுணுக்கமான (calibrated) அணுகுமுறைக்கு இந்த திட்டத்தை மேலும் இணைத்துக் கொள்கிறது,” என்று வட்டாரங்கள் தெரிவித்தன.
மேலும், சரியான வெளிநாட்டு முதலீடுகள், எடுத்துக்காட்டாக, வெளிநாட்டு பங்குகள், மியூச்சுவல் ஃபண்ட்கள், அல்லது சொத்து வாங்குதல் போன்றவை, LRS-க்கு உட்பட்டவை என்பதால், புதிய திருத்தப்பட்ட விதிகள் அவற்றை பாதிக்காது என்று வட்டாரங்கள் தெளிவுபடுத்தினர்.
