அமெரிக்க குடிமக்களை திருமணம் செய்து கொள்வதன் மூலம் மோசடியாக குடியுரிமை பெற விரும்பும் வெளிநாட்டினருக்கு எதிரான நடவடிக்கைகளை அமெரிக்க குடியுரிமை மற்றும் குடியேற்ற சேவைகள் (USCIS) கடுமையாக்கியுள்ளது . இந்த மோசடி இப்போது முழு அளவிலான தொழிலாக மாறியுள்ளது என்றும், உள்நாட்டுப் பாதுகாப்பிற்கு ஆபத்தை விளைவிப்பதாகவும் அதிகாரிகள் குற்றம்சாட்டுகின்றனர்.
அமெரிக்காவில் விரைவான நிரந்தர குடியுரிமை பெறுவதற்கான சிரமமற்ற வழியாக திருமண அடிப்படையிலான க்ரீன் கார்டுகள் (Marriage Green Cards) கருதப்படுகின்றன. அதாவது, முந்தைய ஆண்டுகளில், அமெரிக்காவில் இருப்பதற்கான சட்டப்பூர்வ அந்தஸ்தை இழக்கும் அபாயத்தை எதிர்கொள்ளும் எந்தவொரு வெளிநாட்டவருக்கும் ஒரு அமெரிக்கரை திருமணம் செய்துகொள்வதன் மூலம் நேரடி கிரீன் கார்டு பெறுவது சாத்தியமாக இருந்தது. இது அவர்களுக்கு சட்டபூர்வ குடியுரிமையை விரைவாகப் பெற உதவியது.
இந்த திருமண அடிப்படையிலான க்ரீன் கார்டு பெற்ற பிறகு, அமெரிக்காவில் மூன்று ஆண்டுகள் நிரந்தர குடியிருப்பில் தங்கியிருந்தால், அவர்கள் குடியுரிமை (naturalization) பெறுவதற்கான உரிமையை பெறுவர் மற்றும் அமெரிக்க குடியுரிமையாளர் ஆக முடியும். நேர்மையான திருமணங்கள் அனுமதிக்கப்படுகின்றன என்றாலும், அமெரிக்க குடியேற்ற சேவை (USCIS), மோசடியான திருமணங்கள் மூலம் சட்டவிரோதமாக அமெரிக்காவில் தங்க முயற்சிப்பவர்களை கண்டறிந்து தடுக்கும் பணியில் இரட்டிப்பு முயற்சிகளை மேற்கொண்டு வருகிறது.
மோசடி திருமணம்: ஹெர்மன் (Herman Law Firm) சட்ட நிறுவனத்தின்படி, பணம் அல்லது குடியுரிமை நன்மைகளுக்காக ஒருவர் உடன் திருமணம் செய்வது, தெரிந்தே போலி திருமணத்தில் நுழைவது, பொய்யான பாசாங்குகளைப் பயன்படுத்தி ஒருவரை ஏமாற்றி திருமணம் செய்து கொள்வது ஆகியவை அனைத்தும் மோசடியான திருமணச் செயல்களாக (fraudulent marriage acts) வகைப்படுத்தப்படுகின்றன.
இந்தநிலையில், அமெரிக்க குடியேற்ற சேவை, தற்போது மோசடியான மற்றும் உண்மையான திருமணங்களை வேறுபடுத்துவதற்கான முயற்சிகளை மேலும் வலுப்படுத்தியுள்ளது. இதற்காக, திருமண சான்றிதழ் (marriage certificate) உட்பட, விரிவான ஆவணங்களும் சட்டபூர்வ சான்றுகளும் சமர்ப்பிக்கப்பட வேண்டும் என்று கோரப்படுகிறது. இந்த புதிய நடைமுறைகள், திருமணத்தின் உண்மைத்தன்மையை உறுதிப்படுத்துவதற்கும், போலி திருமணங்களை தடுக்கவும் உதவுகின்றன.
அமெரிக்கா சார்ந்த குடியேற்ற வழக்கறிஞர் அபிஷா பாரிக் என்பவரின் கூற்றுப்படி, “நீங்கள் சட்டபூர்வ நிலையை இழந்திருந்தாலும் திருமண அடிப்படையிலான க்ரீன் கார்டு விண்ணப்பித்தாலும் அல்லது உங்கள் வழக்கு நிலுவையில் இருக்கும்போது அந்தஸ்தில் இருந்து விடுபட்டாலும், மறுப்பு (denial) வந்தாலும் நீதிமன்றத்தில் வழக்கு தொடர நேரிடும்”. இதனால், க்ரீன் கார்டு விண்ணப்பிக்கும்போது சட்ட நிலையை சரியாக பராமரிப்பது மிக அவசியம் என்பதை வலியுறுத்தியுள்ளார்.
மேலும், அமெரிக்க குடியேற்ற சேவை வலையமைப்பில், க்ரீன் கார்டுக்கான போலி திருமணங்கள் குறித்து சந்தேகங்கள் உள்ளவர்கள் அதனை அறிவிக்கக்கூடிய ஆன்லைன் போர்டல் ஒன்றை உருவாக்கியுள்ளது. இந்த போர்டல் மூலம், சந்தேகங்களை வெளியிடுபவர்கள் தங்களிடம் உள்ள ஆதாரங்களை விரிவாக சமர்ப்பிக்கலாம். USCIS, அதிகமான விவரங்களை வழங்குமாறு ஊக்குவிக்கிறது, இது போலி திருமணங்களைக் கண்டறிய உதவும்.
Readmore: ‘ஆப்ரேஷன் சிந்து’!. ஈரானில் சிக்கித் தவித்த 110 இந்திய மாணவர்கள் பாதுகாப்பாக தாயகம் வந்தடைந்தனர்!.
