40 ஆண்டுகளில் சர்வதேச விண்வெளி நிலையத்திற்குச் சென்ற முதல் இந்தியர் என்ற பெருமையை சுபான்ஷு சுக்லா பெற்றுள்ளார்.
மிகவும் எதிர்பார்க்கப்பட்ட ஆக்ஸியம் 4 பயணத்திற்காக ஏவப்பட்ட ஸ்பேஸ்எக்ஸ் டிராகன் விமானத்தை இயக்கி இந்திய விமானப்படை குழு கேப்டன் சுபன்ஷு சுக்லா வரலாற்றை எழுதியுள்ளார். இந்திய நேரப்படி மதியம் 12.01 மணிக்கு, இந்த ராக்கெட் விண்ணில் இருந்து சர்வதேச விண்வெளி நிலையத்திற்உ புறப்பட்டது.
கடந்த 40 ஆண்டுகளில், இந்திய விண்வெளி வீரர் ராகேஷ் சர்மாவுக்குப் பிறகு, சர்வதேச விண்வெளி நிலையத்திற்குச் சென்ற முதல் விண்வெளி வீரர் சுக்லா என்ற பெருமையை இவர் பெற்றுள்ளார்.. 1984 ஆம் ஆண்டு அப்போதைய சோவியத் யூனியனின் சல்யுட்-7 விண்வெளி நிலையத்தின் ஒரு பகுதியாக ராகேஷ் சர்மா 8 நாட்கள் சுற்றுப்பாதையில் கழித்தார்.
இந்திய விண்வெளி ஆராய்ச்சி அமைப்பின் (இஸ்ரோ) விண்வெளி வீரரான சுக்லா, இந்த பயணத்திற்காக முன்னாள் நாசா விண்வெளி வீரர் மற்றும் தளபதி பெக்கி விட்சன், மற்றும் மிஷன் நிபுணர்கள் போலந்தின் ஸ்லாவோஸ் உஸ்னான்ஸ்கி-விஸ்னீவ்ஸ்கி மற்றும் ஹங்கேரியின் திபோர் கபு ஆகியோருடன் சென்றுள்ளார். ஆக்ஸியம் 4 பயணமானது இந்தியாவுக்கு மட்டுமல்ல, போலந்து மற்றும் ஹங்கேரிக்கும் விண்வெளி பயணத்தில் முக்கிய மைல்கல்லாகும்..
பறப்பதற்கு முன் சுபன்ஷு சுக்லா என்ன கூறினார்
”உத்தரபிரதேசத்தின் லக்னோவைச் சேர்ந்த சுபன்ஷு சுக்லா, சர்வதேச விண்வெளி நிலையத்திற்கு செல்வதற்கு முன், இந்த பயணம் ஒரு முழு தலைமுறை இளைஞர்களையும் ஊக்குவிக்கும் என்று நம்புவதாகக் கூறினார். அன்று விண்வெளிக்குச் சென்ற முதல் இந்தியரான ராகேஷ் சர்மாவைப் போலவே இந்த பயணமும் ஊக்கமாக இருக்கும்.
இது ஒரு அற்புதமான பயணம். உங்களை விட மிகப் பெரிய ஒன்றின் ஒரு பகுதியாக நீங்கள் இருக்கப் போகிறீர்கள் என்பதை இவை உண்மையில் உங்களுக்குச் சொல்லும் தருணங்கள். இதில் ஒரு பகுதியாக இருப்பது எனக்கு எவ்வளவு அதிர்ஷ்டம் என்று மட்டுமே சொல்ல முடியும். நாட்டில் ஒரு முழு தலைமுறையினரையும் ஊக்குவிக்க வேண்டும் என்பதே எனது நோக்கத்தின் மூலம் எனது உண்மையான முயற்சி.
குழந்தைகளிடையே ஆர்வத்தைத் தூண்ட இந்த வாய்ப்பைப் பயன்படுத்த விரும்புகிறேன். இந்தக் கதை, எனது கதை, ஒரு வாழ்க்கையை மாற்ற முடிந்தாலும், அது எனக்கு மிகப்பெரிய வெற்றியாக இருக்கும்,” என்று சுக்லா Ax-4 மிஷன் வெளியிட்ட யூடியூப் வீடியோவில் கூறினார்.
யார் இந்த சுபான்ஷு சுக்லா?
அக்டோபர் 10, 1985 அன்று உத்தரபிரதேசத்தின் தலைநகரான லக்னோவில் சுபான்ஷு சுக்லா பிறந்தார், அலிகஞ்சில் உள்ள சிட்டி மான்டேசரி பள்ளியில் அவர் படித்தார். 2006 ஆம் ஆண்டு இந்திய விமானப்படையில் நியமிக்கப்பட்ட சுக்லா, 2,000க்கும் மேற்பட்ட மணிநேர விமானப் பயணத்தையும் 16 ஆண்டுகளுக்கும் மேலான சேவையையும் கொண்ட ஒரு புகழ்பெற்ற போர் விமானியாக தனது வாழ்க்கையை உருவாக்கியுள்ளார்.
“குஞ்சன்” என்ற செல்லப்பெயர் கொண்ட சுக்லா, Su-30MKI, MIG-21, MIG-29, ஜாகுவார் மற்றும் ஹாக் உள்ளிட்ட பல விமானங்களை இயக்கி உள்ளார். . அவர் ஒரு தகுதிவாய்ந்த போர் விமானத் தலைவர் ஆவார். இஸ்ரோவின் மனித விண்வெளிப் பயணத் திட்டத்தின் (HSP) கீழ் தேர்ந்தெடுக்கப்பட்ட சுக்லா, எதிர்கால ககன்யான் திட்டத்திற்கும் ஒரு சிறந்த போட்டியாளராக உள்ளார். கடந்த எட்டு மாதங்களாக, அவர் நாசா மற்றும் ஆக்சியம் ஸ்பேஸ் நிறுவனத்தில் தீவிர பயிற்சி பெற்று வருகிறார்.
இன்று விண்வெளிக்கு புறப்பட்டதன் மூலம், 40 ஆண்டுகளுக்கு பின் விண்வெளிக்குச் சென்ற முதல் இந்திய விண்வெளி வீரர் என்ற பெருமையை சுக்லா பெற்றுள்ளார். மேலும் இஸ்ரோவின் ககன்யான் பணிக்காக தேர்ந்தெடுக்கப்பட்ட 4 விண்வெளி வீரர்களில் ஒருவர் ஆவார்.
Read More : சர்வதேச விண்வெளி நிலையத்திற்கான ஆக்சியம் 4 மிஷன்.. இது ஏன் மிகவும் ஸ்பெஷல்?
