நடிகை வனிதா விஜயகுமார் இயக்கத்தில் வெளியாகியுள்ள ‘மிஸஸ் அண்ட் மிஸ்டர்’ படத்திற்கு எதிராக இசையமைப்பாளர் இளையராஜா வழக்குத் தொடர்ந்துள்ளார்.
கடந்த 1995-ம் ஆண்டு வெளியான விஜயின் ‘சந்திரலேகா’ திரைப்படத்தின் மூலம் திரைத்துறையில் அறிமுகமானவர் வனிதா விஜயகுமார். நடிகர் விஜயகுமாரின் மகளாக இவர், சமீபகாலமாக டிவி நிகழ்ச்சியின் மூலம் ரசிகர்கள் கவனத்தை ஈர்த்தார். தற்போது பவர் ஸ்டாருடன் இணைந்து ‘பிக்கப் ட்ராப்’ படத்தில் நடித்து முடித்துள்ளார். அந்த படம் இன்னும் வெளியாகாமல் உள்ளது.
இதனிடையே, இவர் தனது மகள் ஜோவிகா விஜயகுமார் தயாரிப்பில் வனிதா விஜயகுமார் இயக்கி நடித்துள்ள படம் மிஸஸ் அண் மிஸ்டர். ராபர்ட் மாஸ்டர் நாயகனாக நடித்துள்ள இந்த படத்தில், ஸ்ரீமன் ஷகீலா, கணேஷ், ஆர்த்தி கணேஷ், பவர் ஸ்டார் சீனிவாசன், செஃப் தாமு, கும்தாஜ் மற்றும் பலர் நடித்துள்ளனர். ஸ்ரீகாந்த் தேவா இசையமைத்துள்ள இந்த படத்தை, வனிதா பிலிம் புரொடக்ஷன்ஸ் நிறுவனம் சார்பில் ஜோவிகா விஜயகுமார் இப்படத்தை தயாரித்துள்ளார்.
இந்த படம் ஜூலை 4 ஆம் தேதி திரையரங்குகளில் வெளியான நிலையில் இசையமைப்பாள இளையராஜா உயர் நீதிமன்றத்தில் அவசர முறையீடு செய்துள்ளார். அந்த மனுவில், “வனிதா விஜயக்குமார் நடிப்பில் வெளியாகியுள்ள Mr/Mrs திரைப்படத்தில் தனது பாடல் பயன்படுத்தப்பட்டுள்ளது.
மைக்கேல் மதன காமராஜர் படத்தின் ராத்திரி சிவ ராத்திரி பாடல் எனது அனுமதி இல்லாமல் படத்தில் பயன்படுத்தப்பட்டுள்ளது. Mr/Mrs திரைப்படத்தில் பயன்படுத்தப்பட்டுள்ள எனது பாடலை நீக்க வேண்டும் என சென்னை உயர் நீதிமன்றத்தில் அவசர முறையீடு செய்துள்ளார். இந்த மனு திங்கள் கிழமை விசாரணைக்கு வரும் என எதிர்ப்பார்க்கப்படுகிறது.
Read more: ஷாக்.. இன்றும் தாறுமாறாக உயர்ந்த தங்கம் விலை.. ஒரே நாளில் ரூ.440 உயர்வு..
