அமெரிக்க அரசு, சீனாவுக்குச் சில சிப் ஏற்றுமதிக் கட்டுப்பாடுகளைத் தளர்த்தியதைத் தொடர்ந்து, அமெரிக்க டெக் பங்குகள் செவ்வாயன்று உயர்ந்தன. இதன் நேரடி பலனாக, ஆரக்கிள் (Oracle) நிறுவன பங்குகள் 5.7% உயர்ந்தன, மேலும் அதன் இணை நிறுவனர் லாரி எலிசன், ப்ளூம்பெர்க் பில்லியனேர் பட்டியலில் உலகின் இரண்டாவது பணக்காரராக உயர்ந்தார்.
ப்ளூம்பெர்க் பில்லியனர்கள் குறியீட்டில் மெட்டா தலைமை நிர்வாக அதிகாரி மார்க் ஜுக்கர்பெர்க் மூன்றாவது இடத்திற்குத் தள்ளப்பட்டுள்ளார், ஆரக்கிள் கார்ப்பரேஷனின் தலைவரும் தலைமை தொழில்நுட்ப அதிகாரியுமான 80 வயதான எலிசன் உலகளவில் இரண்டாவது இடத்திற்கு உயர்ந்தது இதுவே முதல் முறை.
ஜோ பைடன் அரசு, என்விடியா (Nvidia) மற்றும் ஏஎம்டி (AMD) போன்ற அமெரிக்க சிப் நிறுவனங்களுக்கு சில வகைச் சிப்களை சீனாவுக்கே ஏற்றுமதி செய்ய அனுமதி வழங்கும் வகையில் கட்டுப்பாடுகளை மாற்றியமைத்தது. இந்த அறிவிப்பு, உலகம் முழுவதும் செயற்கை நுண்ணறிவு வளர்ச்சிக்காக அமெரிக்க சிப் தேவையை மேலும் அதிகரிக்கும் என முதலீட்டாளர்கள் நம்புகின்றனர்.
அமெரிக்க சாஃப்ட்வேர் மற்றும் கிளவுட் கம்ப்யூட்டிங் நிறுவனமான ஆரக்கிள் கார்ப், கடந்த மாதங்களில் முக்கியமான AI ஒப்பந்தங்களை கையெழுத்திட்டு வருகிறது.
OpenAI, SoftBank உள்ளிட்ட நிறுவனங்களுடன் Stargate திட்டத்தில் ஆரக்கிள் முக்கிய பங்காற்றி வருகிறது. இதனால் பங்குகள் நவம்பர் 2022ல் ChatGPT வெளியான பிறகு மூன்றடிக்கும் அதிகமாக உயர்ந்தன.
ஜூலை 16, 2025 தேதியிட்ட ப்ளூம்பெர்க்கின் சமீபத்திய தரவரிசைப்படி, எலிசனின் நிகர மதிப்பு 251.2 பில்லியன் அமெரிக்க டாலர்களாக உயர்ந்துள்ளது, இது ஜுக்கர்பெர்க்கின் 251 பில்லியன் அமெரிக்க டாலர்களை விட சற்று அதிகம். இதன்மூலம் மார்க் ஜுக்கர்பெர்க்கை பின்னுக்கு தள்ளி எலிசன் இரண்டாவது இடத்துக்கு முன்னேறினார்.
நிகர மதிப்பு அதிகரிக்கையில் எலிசன் தனது பங்களிப்பையும் அதிகரிக்கத் திட்டமிட்டுள்ளார். Ellison Institute of Technology என்ற புதிய நிறுவனம், ஆக்ஸ்போர்டு பல்கலைக்கழகத்துடன் இணைந்து, சுகாதாரம், விவசாயம், சுத்த எரிசக்தி மற்றும் AI துறைகளில் ஆராய்ச்சி செய்கிறது. இதற்காக, Giving Pledge திட்டத்தில் அவரது பங்களிப்பை மேம்படுத்தியுள்ளார்.
என்விடியா CEO ஜென்சன் ஹுவாங், சமீபத்திய பங்குச்சந்தை வளர்ச்சியால் ப்ளூம்பெர்க் பணக்காரர் பட்டியலில் 9வது இடத்திற்கு முன்னேறினார். எலோன் மஸ்க் தொடர்ந்து முன்னிலை வகிக்கிறார். எலோன் மஸ்க், தற்போது $357.8 பில்லியன் நிகரமதிப்புடன் உலகின் முதல் பணக்காரர் என்ற நிலையில் தொடர்கிறார்.
Read more: டைப் 2 நீரிழிவு நோய்க்கு தனிமை ஒரு காரணமா..? – எச்சரிக்கும் புதிய ஆய்வு முடிவுகள்
