மலேசியாவின் தெரெங்கானு மாநிலத்தில், வெள்ளிக்கிழமை தொழுகையில் கலந்து கொள்ளாதவர்களுக்கு 2 ஆண்டுகள் வரை சிறைத்தண்டனை விதிக்கப்படும். மலேசியாவின் தெரெங்கானு மாநில அரசாங்கம் ஷரியா சட்டத்தை முழுமையாக செயல்படுத்தத் தொடங்குவதாக எச்சரித்துள்ளது. அதன்படி சரியான காரணமின்றி வெள்ளிக்கிழமை தொழுகையை தவிர்க்கும் முஸ்லிம் ஆண்களுக்கு இரண்டு ஆண்டுகள் வரை சிறைத்தண்டனை விதிக்கப்படும். பன்முக கலாச்சார நாடு என்று அழைக்கப்படும் மலேசியாவில் மத வெறி அதிகரிப்பதன் அடையாளமாக இந்த நடவடிக்கை பார்க்கப்படுகிறது.
தெரெங்கானு மாநிலத்தில் பான்-மலேசிய இஸ்லாமியக் கட்சி (PAS) ஆட்சியில் உள்ளது. முதல் முறையாக வெள்ளிக்கிழமை தொழுகை நடத்தாத எவருக்கும் இப்போது சிறைத்தண்டனை மட்டுமல்ல, 3,000 ரிங்கிட் (சுமார் 62 ஆயிரம் ரூபாய்) வரை அபராதம் அல்லது இரண்டும் விதிக்கப்படலாம் என்று திங்களன்று அறிவித்தது. சரியான காரணமின்றி வெள்ளிக்கிழமை தொழுகையில் கலந்து கொள்ளாதபோது மட்டுமே இந்த தண்டனை வழங்கப்படும்.
மாநில நிர்வாகக் குழுவின் உறுப்பினர் முகமது கலீல் அப்துல் ஹாடி, மலேசிய செய்தி நிறுவனமான பெரிட்டா ஹரியனுக்கு அளித்த பேட்டியில் “வெள்ளிக்கிழமை தொழுகை ஒரு மத அடையாளமாக மட்டுமல்லாமல் முஸ்லிம்களிடையே கீழ்ப்படிதலின் வெளிப்பாடாகவும் இருப்பதால் இந்த நினைவூட்டல் முக்கியமானது.” என்று தெரிவித்தார்..
இதற்கு முன்பு வரை, முன்னதாக, தொடர்ச்சியாக மூன்று வெள்ளிக்கிழமை தொழுகைகளைத் தவறவிட்டவர்கள் மட்டுமே தண்டனைகளுக்கு உட்பட்டனர். 1.2 மில்லியன் மக்கள்தொகை கொண்ட தெரெங்கானு, இது பெருமளவில் மலாய் முஸ்லிம்களை கொண்டுள்ளது.. அதன் சட்டமன்றத்தில் எந்த எதிர்ப்பும் இல்லாத ஒரே மலேசிய மாநிலம் இது தான்..
தெரெங்கானு அரசின் இந்த முடிவுக்கு பலரும் கண்டனம் தெரிவித்து வருகின்றனர்.. ஆன்லைனில் ஒரு பயனர் “பக்தி என்பது இதயத்திலிருந்து வர வேண்டும், மனிதர்கள் மீதான பயத்திலிருந்து வரக்கூடாது” என்று பதிவிட்டுள்ளார்..
2022 தேர்தலில், அக்கட்சி வேட்பாளர்கள் 32 இடங்களையும் வென்றனர். மலேசிய அரசியலமைப்பில் இஸ்லாம் அதிகாரப்பூர்வ மாநில மதமாக மாற்றப்பட்டுள்ளது. தனிநபர் மற்றும் குடும்பச் சட்டத்தின் குறுகிய எல்லைக்குள் இஸ்லாமிய விஷயங்களில் சட்டம் இயற்றும் உரிமையை அரசியலமைப்பு அங்குள்ள மாநிலங்களுக்கு வழங்குகிறது. ஆனால் அதே நேரத்தில், அரசியலமைப்பின் மதச்சார்பற்ற அடித்தளம் மலேசியாவின் பன்முக சமூகத்தை அடிக்கோடிட்டுக் காட்டுகிறது.
Read More : பூதாகரமாய் வெடித்த வாக்கு திருட்டு விவகாரம்.. யூடியூப் வீடியோக்கள் திடீரென நீக்கம்..!! என்ன காரணம்..?
