ஆர்.எஸ்.எஸ் – பாஜக இடையே கருத்து வேறுபாடுகள் இருக்கலாம் என்றாலும், மன வேறுபாடுகள் ஒருபோதும் இருக்காது என்று ஆர்.எஸ்.எஸ் தலைவர் மோகன் பகவத் தெரிவித்துள்ளார்.. மத்திய மற்றும் மாநில அரசுகளுடன் ஆர்.எஸ்.எஸ் ஒருங்கிணைப்பைப் பேணுகிறது என்றும், இறுதி முடிவை எடுக்கும் அதிகாரம் பாஜகவிடம் மட்டுமே உள்ளது என்றும் அவர் தெளிவுபடுத்தினார். “பல்வேறு விஷயங்களில், சங்கம் பரிந்துரைகளை வழங்க முடியும், ஆனால் முடிவு எப்போதும் பாஜகவிடம் உள்ளது” என்று அவர் மேலும் கூறினார், அந்த அமைப்பு ஆட்சி அல்லது அரசியல் நியமனங்களில் தலையிடாது என்பதை தெளிவுபடுத்தினார்.
அரசியலமைப்பு பதவிகளில் இருப்பவர்கள் 75 வயதில் ஓய்வு பெற வேண்டும் என்று ஆர்.எஸ்.எஸ் நம்புகிறதா என்பது குறித்த கேள்விக்கு அவர் பதிலளித்தார்.. அப்போது, ஓய்வு பெறும் வயதை 75 என்று ஒருபோதும் கூறியதில்லை என்று தெளிவுபடுத்தினார். மேலும் “நான் ஓய்வு பெறுவேன் அல்லது யாராவது ஓய்வு பெற வேண்டும் என்று நான் ஒருபோதும் கூறவில்லை. 80 வயதில் நான் ஒரு கூட்டத்தை நடத்த வேண்டும் என்று சங்கம் விரும்பினால், நான் செய்வேன்” என்றார்.
ஜூலை மாதம் நாக்பூரில் நடந்த ஒரு புத்தக வெளியீட்டு விழாவில் பேசிய மோகன் பக்வத். “75 வயதில் ஒரு சால்வை போர்த்தப்பட்டால், நீங்கள் வயதாகிவிட்டீர்கள் என்று அர்த்தம், ஒதுங்கிச் செல்லுங்கள், அதைச் செய்வோம்” என்று கூறியிருந்தார்.. வரும் செப்டம்பர் மாதத்தில் பிரதமர் மோடிக்கு 75 வயதாகிறது.. இது மோடிக்கு கொடுத்த மறைமுக அறிவுரையாகவே பார்க்கப்பட்டது.. எதிர்க்கட்சித் தலைவர்கள் இந்தக் கருத்துக்களை பிரதமர் மோடியுடன் இணைத்துப் பேசினர்.
எல்.கே. அத்வானி மற்றும் முரளி மனோகர் ஜோஷி போன்ற பாஜக மூத்த தலைவர்களை 75 வயதுக்குப் பிறகு பதவி விலகுமாறு பிரதமர் மோடி முன்பு கட்டாயப்படுத்தினார் என்றும், இப்போது அதே அளவுகோலை தனக்கும் பயன்படுத்த வேண்டும் என்றும் சிவசேனா (யுபிடி) எம்.பி. சஞ்சய் ராவத் குற்றம் சாட்டினார் என்பது குறிப்பிடத்தக்கது..
Read More : GST குறையப்போகுது! ஜாம் முதல் நட்ஸ் வரை.. எந்தெந்த உணவுப் பொருட்களின் விலை குறையும்?
