முன்னாள் தமிழக கிரிக்கெட் வீரரும், பிசிசிஐ போட்டிகளின் நடுவருமான D.J. கோகுல கிருஷ்ணன் தனது 50-வது வயதில் காலமானார்.
பவுலிங்-ஆல் ரவுண்டரான இவர், தமிழ்நாடு, அசாம், கோவா ஆகிய அணிகளுக்காக உள்ளுர் போட்டிகளில் விளையாடி, 174 விக்கெட்டுகளையும், 4 முறை 5 விக்கெட்டுகளையும் வீழ்த்தியுள்ளார். ரஞ்சி, டிஎன்பிஎல், விஜய் ஹசாரே கோப்பைகளுக்கு நடுவராகவும், 2008-2015 வரை தமிழக அணிக்கு பயிற்சியாளராகவும் தனது கடமையை ஆற்றியுள்ளார்.
இவர், 2008 மற்றும் 2013ஆம் ஆண்டுகளில் தமிழ்நாடு அணியில் உதவிப் பயிற்சியாளராக இரண்டு முறை பணியாற்றினார். 2010இல், அவர் அவர்களின் பந்துவீச்சு பயிற்சியாளராக பணியாற்றினார். 2015ஆம் ஆண்டு தமிழ்நாடு U-19 அணியின் தலைமைப் பயிற்சியாளராகவும் இருந்தார். இந்நிலையில், இவரது மறைவுக்கு தமிழ்நாடு கிரிக்கெட் சங்கம் இரங்கல் தெரிவித்துள்ளது.
