பிக்பாஸ் 7 நிகழ்ச்சி கடந்த அக்டோபர் 1ஆம் தேதி பிரம்மாண்டமாக ஆரம்பமானது. இந்த சீசனில் கூல் சுரேஷ், பவா, சரவண விக்ரம்,விசித்ரா, நிக்ஸன், ஐஷூ, விஜய் வர்மா, அனன்யா ராவ், யுகேந்திரன், பிரதீப், விஷ்ணு, பூர்ணிமா, மாயா, ஜோவிகா, மணி, ரவீனா, அக்ஷயா, வினுஷா ஆகிய 18 போட்டியாளர்கள் கலந்து கொண்டுள்ளனர். இதில், அனன்யா மற்றும் பவா செல்லதுரை ஆகியோர் வெளியேறிய நிலையில், தற்போது 16 போட்டியாளர்கள் வீட்டிற்குள் உள்ளனர். அதில் ஜோவிகா விஜயகுமாரும் ஒருவர்.
இந்நிலையில், ஜோவிகா பற்றிய சில தகவலை பகிர்ந்துள்ளார் நடிகை கஸ்தூரி. அதாவது, ஜோவிகா பிக்பாஸ் நிகழ்ச்சிக்கு வர அவரது அம்மா தான் காரணம். பிக்பாஸ் நிகழ்ச்சியின் ஒருங்கிணைப்பாளர்களுடன் கலந்து பேசியும் கெஞ்சி கூத்தாடி தான் மகளுக்கு வாய்ப்பை வாங்கி கொடுத்திருக்கிறார். இதேபோல் அனைவருக்கும் வாய்ப்பு கிடைக்குமா என்றும் கூறியிருக்கிறார். அதோடு படிப்பு பற்றி ஜோவிகா பேசியது என்னால் ஏற்றுக்கொள்ள முடியாது என்றும் நடிகை கஸ்தூரி தெரிவித்திருக்கிறார்.