மத்திய மொசாம்பிக்கில் உள்ள பெய்ரா துறைமுகக் கடற்கரையில் பணியாளர்களை மாற்றும் நடவடிக்கையின் போது, டேங்கரின் பணியாளர்களை ஏற்றிச் சென்ற படகு கவிழ்ந்ததில் குறைந்தது மூன்று இந்தியர்கள் இறந்துள்ளனர், மேலும் ஐந்து பேர் காணாமல் போயுள்ளனர்.
மொசாம்பிக்கில் உள்ள இந்திய தூதரகத்தின்படி, வெள்ளிக்கிழமை கடலில் நங்கூரமிட்டுள்ள ஒரு கப்பலுக்கு பணியாளர்களை வழக்கமான பரிமாற்றத்தின் போது இந்த சம்பவம் நிகழ்ந்ததாக கூறப்படுகிறது. மொத்தம் 14 இந்தியர்களை ஏற்றிச் சென்ற அந்தப் படகு, பெய்ரா கடற்பரப்பில் கவிழ்ந்தது, . விபத்தில் சிக்கிய சில இந்தியர்கள் மீட்கப்பட்டுள்ளனர். துரதிர்ஷ்டவசமாக, சில இந்தியர்கள் விபத்தில் இறந்துவிட்டனர், மேலும் சிலர் இன்னும் காணாமல் போயுள்ளனர்” என்று தெரிவித்துள்ளது.
“பெய்ரா துறைமுகத்தில் நடந்த படகு விபத்தில் மூன்று இந்தியர்கள் உட்பட உயிர் இழப்புக்கு எங்கள் மனமார்ந்த இரங்கலைத் தெரிவித்துக் கொள்கிறோம். இந்த துரதிர்ஷ்டவசமான விபத்தில் உயிரிழந்தவர்களின் குடும்பங்களுடன் நாங்கள் தொடர்பில் உள்ளோம்.மேலும் அவர்களுக்கு அனைத்து உதவிகளையும் வழங்கி வருகிறது” என்று அந்தத் தூதரகம் தெரிவித்துள்ளது. இந்த விபத்தில் இருந்து ஐந்து இந்தியர்கள் வெற்றிகரமாக மீட்கப்பட்டு பாதுகாப்பாக இருப்பதாக தூதரகம் உறுதிப்படுத்தியுள்ளது. மேலும், காணாமல் போன 5 இந்தியர்களை தேடும் பணி தீவிரமாக நடைபெற்று வருவதாக தெரிவிக்கப்பட்டுள்ளது.
Readmore: IRCTC ஊழியர்களா அல்லது WWE வீரர்களா? டெல்லி ரெயில் நிலையத்தில் பயங்கர மோதல்!. வீடியோ வைரல்!
