தவெகவின் சிறப்பு பொதுக்குழு கூட்டம் சென்னையை அடுத்த தலைவர் விஜய் தலைமையில் நடைபெறும் இந்த கூட்டத்தில் முக்கிய தீர்மானங்கள் நிறைவேற்றப்பட்டன.. முதல் தீர்மானமாக கரூர் துயர சம்பவத்திற்கு இரங்கல் தெரிவித்து தீர்மானம் நிறைவேற்றப்பட்டது..
பெண்களுக்கு எதிரான பாலியல் குற்றங்களை தடுக்க தமிழக அரசு தனிச்சட்டம் இயற்ற வேண்டும் என்ற தீர்மானம் நிறைவேற்றப்பட்டது. இலங்கை கடற்படையால் கைதான தமிழக மீனவர்கள் படகுகளை விடுவிக்க நடவடிக்கை எடுக்க வேண்டும் என்ற தீர்மானம் நிறைவேற்றப்பட்டது..
வாக்காளர் பட்டியல் தீவிர திருத்தத்திற்கு எதிராக தவெக சிறப்பு பொதுக்குழுவில் தீர்மானம். டெல்டா மாவட்டங்களில் உரிய நேரத்தில் நெல் கொள்முதல் செய்யாத தமிழக அரசை கண்டித்து தவெக தீர்மானம் நிறைவேற்றியது.
அதே போல் 2026 தமிழ்நாடு சட்டமன்ற தேர்தலில் முதல்வர் வேட்பாளராக விஜய்யை முன்மொழிந்து தவெக சிறப்பு பொதுக்குழுவில் தீர்மானம் நிறைவேற்றப்பட்டது. தேர்தலில் கூட்டணி தொடர்பான அனைத்து முடிவுகளையும் எடுக்க விஜய்க்கு அதிகாரம் வழங்கியும் தீர்மானம் நிறைபெற்றப்பட்டது.. தவெக தலைமையில் கூட்டணி அமையும் என்றும் தெரிவிக்கப்பட்டது..
முன்னதாக அதிமுக பரப்புரையில் தவெக கொடி காட்டப்பட்டதற்கு, கூட்டணிக்கு பிள்ளையார் சுழி போடப்பட்டது என்று இபிஎஸ் கூறியிருந்தார்.. இந்த நிலையில் விஜய் முதல்வர் வேட்பாளர் என்ற தீர்மானம் நிறைவேற்றப்பட்டதன் மூலம் அதிமுகவின் கூட்டணி அழைப்பை தவெக நிராகரித்துள்ளது..
