கேரளாவில் மீண்டும் கொரோனா பாதிப்பு அதிகரித்துள்ளதால், ஐயப்ப பக்தர்களுக்கு எச்சரிக்கை விடுக்கப்பட்டுள்ளது.
கேரளாவில் கடந்த ஒரு மாதத்துக்கு முன்னதாக தினசரி பாதிப்பு 10-ஆக இருந்த நிலையில், நேற்று (டிச.13) ஒரே நாளில் 230 பேருக்கு கொரோனா உறுதி பாதிப்பு செய்யப்பட்டுள்ளது. மாநிலத்தில் கொரோனாவுக்கு சிகிச்சை பெறுவோரின் மொத்த எண்ணிக்கை 949-ஆக அதிகரித்துள்ளது. கேரள சுகாதாரத்துறை தரவுகளின்படிம் கடந்த திங்கட்கிழமை மட்டும் 11,700 பேர் காய்ச்சல் காரணமாக மருத்துவமனைக்கு வந்ததில், 170 பேர் சிகிச்சைக்காக அனுமதிக்கப்பட்டுள்ளதாக தெரிவிக்கப்பட்டுள்ளது.
சபரிமலைக்கு தினசரி 1.20 லட்சம் பேர் தரிசனத்துக்காக சென்று கொண்டிருப்பதால், கூட்ட நெரிசல் ஏற்பட்டுள்ளது. பக்தர்கள் சுமார் 12 மணிநேரம் நெரிசலில் காத்திருக்கும் சூழல் நிலவுவதால் கொரோனா பரவல் அதிகரிக்கும் என அஞ்சப்படுகிறது. இந்நிலையில், சபரிமலைக்கு பல்வேறு மாநிலங்களில் இருந்து பக்தர்கள் செல்வதால், அவர்களுக்கு முன்னெச்சரிக்கை விடுக்கப்பட்டுள்ளது.
