சிறிய வயது முதலே பைக் ஓட்ட வேண்டும் என்ற ஆசை அனைவருக்கும் இருக்கும். இத்தகைய பைக்குகளில் ஒரு பொதுவான விஷயம் இருக்கும். அது என்னவென்றால், பைக்குகளை ஓட்டுபவரின் இருக்கையை விட, பின் இருக்கை சற்று உயரமாக வடிவமைக்கப்பட்டிருக்கும். இது சில சமயங்களில் பின்னால் அமர்பவர்களுக்கு சௌகரிய குறைபாட்டை அளித்தாலும், இந்த சிறிய வடிவமைப்புக்குப் பின்னால் மிக சிறந்த பொறியியல் மற்றும் பாதுகாப்பு அம்சங்கள் ஒளிந்திருக்கின்றன.
தினசரிப் பயன்பாட்டிற்கான இருசக்கர வாகனங்கள் எளிதாகவும், சமநிலையுடனும் இருக்க வேண்டும் என்பதற்காக, அவற்றின் இருக்கை உயரம் மற்றும் அகலம் போன்ற விஷயங்கள் நுட்பமாக திட்டமிடப்படுகின்றன. பைக்குகளில் பின் இருக்கை உயரமாக இருப்பதற்கான மிக முக்கியக் காரணம், சரியான சமநிலையைப் பராமரிப்பதுதான்.
பின் இருக்கையின் உயரம் அதிகரிக்கும்போது, பின்னால் அமர்ந்திருக்கும் நபரின் எடை, பைக்கின் நடுப்பகுதியை நோக்கி நகர்கிறது. இதன் விளைவாக, பைக்கின் சமநிலை எந்த சூழ்நிலையிலும் தொந்தரவு செய்யப்படுவதில்லை. எளிமையாக சொன்னால், பைக்கின் இரண்டு டயர்களுக்கும் இடையிலான எடை விநியோகம் சமமாகிறது.
இதனால், பைக் அதிவேகத்தில் இயங்கும்போதும் நிலையாக இருக்கும். மேலும், பின்னால் அமர்ந்திருப்பவர் சற்று முன்னோக்கி சாய்வதால், பைக்கின் எடை சரியாக நடுவில் மையம் கொள்கிறது. இதன் காரணமாக, பைக் நகரும்போது காற்றின் எதிர்ப்பு குறைந்து, பயணம் மிகவும் சீராக அமைகிறது.
பின் இருக்கை உயரமாக இருப்பதற்கான மற்றொரு முக்கிய காரணம் பாதுகாப்பு அம்சங்களாகும். பின் இருக்கை உயரமாக இருக்கும்போது, பின்னால் அமர்ந்திருக்கும் நபர், பைக் ஓட்டுபவருக்கு பின்னால் ஒரு கேடயமாக பணியாற்றுகிறார். இது, பயணத்தின்போது பைக் ஓட்டுபவர் மீது நேரடியாக படும் காற்று, தூசி மற்றும் அதிர்வுகளின் அளவை கணிசமாக குறைக்க உதவுகிறது.
மேலும், பைக்கின் சஸ்பென்ஷன் அமைப்புடன் இந்த இருக்கை உயரம் சிறப்பாக செயல்படுகிறது. அதாவது, பின் இருக்கை உயரமாக இருப்பதால், பைக் ஸ்பீடு பிரேக்கர்களில் ஏறி இறங்கும்போது, பின்னால் அமர்ந்திருப்பவர் இருக்கையுடன் நேரடியாக வேகமாக கீழ்நோக்கி மோதும் வாய்ப்புகள் குறைகிறது. ஒட்டுமொத்தமாக, பைக் தயாரிப்பு நிறுவனங்கள் இந்த சிறிய வடிவமைப்பு மூலம் ஓட்டுபவர் மற்றும் பின்னால் அமர்ந்திருப்பவரின் பாதுகாப்பு, சமநிலை மற்றும் சீரான பயணத்தை உறுதி செய்கின்றன.
Read More : தாம்பத்திய உறவை இனிக்க செய்யும் 7 அற்புதமான உணவுகள்..!! தம்பதிகளே கட்டாயம் இதை சாப்பிடுங்க..!!
