கடந்த ஒருவாரமாக இண்டிகோ நிறுவனம் நாடு முழுவதும் பரபரப்பான தலைப்பு செய்தியாக மாறி உள்ளது.. ஊழியர் பற்றாக்குறை, செயல்பாட்டு தடங்கல் காரணமாக ஒரு வாரத்தில் சுமார் 4500 விமானங்களை இண்டிகோ ரத்து செய்துள்ளது.. இதனால் ஆயிரக்கணக்கான பயணிகள் கடும் சிரமத்திற்கு ஆளாகி உள்ளனர்..
இந்தியாவின் மிகப்பெரிய உள்நாட்டு விமான நிறுவனமான இண்டிகோ, கடந்த வாரம் செவ்வாய்க்கிழமை முதல் 4,500க்கும் மேற்பட்ட விமானங்களை ரத்து செய்துள்ளது. இதனால் திங்கட்கிழமை தொடர்ந்து ஏழாவது நாளாக விமானப் போக்குவரத்து தடைபட்டுள்ளது. அரசாங்கத்தின் அவசரத் தலையீடுகள் மற்றும் விமான நிறுவனங்களின் பரவலான பயணிகள் நிவாரண நடவடிக்கைகள் இருந்தபோதிலும், நாடு முழுவதும் தாமதங்கள், குழப்பம் மற்றும் விமான நிலைய நெரிசல் தொடர்கிறது. சரி இண்டிகோ நிறுவனத்தின் உரிமையாளர் யார் அவரின் சொத்து மதிப்பு குறித்து தற்போது பார்க்கலாம்..
இன்டர்குளோப் ஏவியேஷன் லிமிடெட் (InterGlobe Aviation Ltd) என்பது இண்டிகோ விமான நிறுவனத்தின் தாய் நிறுவனம் ஆகும்.. இந்த நிறுவனம் ரகேஷ் கேங்க்வால் மற்றும் ராகுல் பாட்டியா ஆகியோரால் சேர்ந்து தொடங்கப்பட்டது. 2025 நிலவரப்படி ராகுல் பாட்டியா InterGlobe Enterprises மூலம் நிறுவனத்தின் முக்கிய புரமோட்டராக இருக்கிறார்.
ரகேஷ் கங்க்வால், முன்பு இணை நிறுவுநர் மற்றும் புரமோட்டர் இருந்தவர் ஆவார்.. அவர், தற்போது தனது பங்குகளை தொடர்ந்து விற்றுவருவதால் சுமார் 13.5% மட்டுமே வைத்துள்ளார். அவரும் அவரது குடும்ப நம்பிக்கையும் சமீபத்தில் பல பங்குகளை விற்றுள்ளனர்.
இந்த நிறுவனத்தின் சந்தை மதிப்பு (2025) 23.4 பில்லியன் டாலராகும்.. ரகேஷ் கங்க்வால் (Rakesh Gangwal) கடந்த சில ஆண்டுகளாக இண்டிகோ நிறுவனத்தில் தனது பங்குகளை படிப்படியாக குறைத்துவருகிறார். 2025ல், அவர் சுமார் 5.7% பங்குகளை மூலம் விற்றார். இதன் மதிப்பு 1.35 பில்லியன் டாலர் ஆகும். ராகுல் பாட்டியாவின் சொத்து மதிப்பு 8.1 பில்லியன் டாலராகும்..
இண்டிகோ நிறுவனம் எத்தனை விமானங்கள் இயக்குகிறது?
இண்டிகோ விமான நிறுவனத்தில் 434 விமானங்கள் உள்ளன.. தினமும் இந்நிறுவனம் 2,300 விமானங்களை இயக்கி வருகிறது. இது IndiGoவை இந்தியாவின் மிகப்பெரிய விமான சேவை நிறுவனங்களில் ஒன்றாக மாற்றுகிறது.
